*विद्यार्थ्यांचा सर्वांगीण सामाजिक विकास हा समाजशास्त्रातून होतो -डॉ.बाबुराव जाधव

नांदेड:( दि.७ ऑगस्ट २०२४)

विद्यार्थ्यांचा सर्वांगीण सामाजिक विकास घडवून आणण्यासाठी समाजशास्त्र हा विषय महत्त्वाचा असतो आणि विद्यार्थ्यांनी समाजशास्त्र या विषयाचा अभ्यास याच दृष्टिकोनातून करावा, असे मत स्वामी रामानंद तीर्थ मराठवाडा विद्यापीठातील सामाजिक शास्त्र संकुलाचे समाजशास्त्र विभागप्रमुख डॉ.बाबुराव जाधव यांनी विद्यार्थ्यांसमोर मार्गदर्शन करताना मांडले.

श्री शारदा भवन एज्युकेशन सोसायटी संचलित यशवंत महाविद्यालयात विद्यापीठाचे माजी प्र-कुलगुरू तथा विद्यमान प्राचार्य डॉ. गणेशचंद्र एन.शिंदे यांच्या मार्गदर्शनानुसार पदवी आणि पदव्युत्तर समाजशास्त्र विभागातील इंडक्शन कार्यक्रमात प्रमुख वक्ते म्हणून ते बोलत होते.

शैक्षणिक वर्ष २०२४-२५ मधील राष्ट्रीय शैक्षणिक धोरण:२०२० नुसार प्रवेशित झालेल्या पदवी आणि पदव्युत्तर वर्गातील प्रथम वर्षाच्या विद्यार्थ्यांना 'समाजशास्त्राची उपयोगिता' या शीर्षकांतर्गत व्याख्यानाचे आयोजन करण्यात आले होते.

कार्यक्रमाचे अध्यक्षस्थान उपप्राचार्य डॉ.कविता सोनकांबळे यांनी भूषविले. याप्रसंगी विचारमंचावर समाजशास्त्र विभागप्रमुख डॉ.भरत कांबळे, डॉ.बी.आर.भोसले,प्रा.शंकर मार्कड आणि प्रा.पूजा मिरगेवार उपस्थित होते.

पदवी आणि पदव्युत्तर वर्गाच्या सर्वच विद्यार्थ्यांनी या कार्यक्रमाला उपस्थिती दर्शवली.

पुढे बोलताना डॉ.बाबुराव जाधव यांनी, विद्यार्थ्यांना समाजशास्त्राने उपलब्ध करून दिलेल्या शासकीय, निमशासकीय आणि स्वयंसेवी संस्था यामधील रोजगाराच्या संधी याविषयी सखोल असे मार्गदर्शन केले. विद्यार्थ्यांसोबत प्रश्नोत्तराच्या माध्यमातून सुसंवाद साधला.

अध्यक्षीय भाषणामध्ये डॉ. कविता सोनकांबळे यांनी, समाजशास्त्राची उपयुक्तता अतिशय समर्पकपणे विद्यार्थ्यांसमोर मांडली.

सूत्रसंचालन प्रा.शंकर मार्कंड यांनी केले तर आभार प्रा.पूजा मिरगेवार यांनी मानले.

महाविद्यालयाचा पदवी आणि पदव्युत्तर समाजशास्त्र विभाग आणि या विभागाने विद्यार्थ्यांसाठी दिलेली योगदान या अनुषंगाने प्रास्ताविकपर मनोगत डॉ. बी.एम.कांबळे यांनी मांडले .

याप्रसंगी गणेश विनकरे या विद्यार्थ्याने समर्पकपणे समाजशास्त्राची उपयुक्तता याविषयीचे बनवलेल्या भितीपत्रकाचे मान्यवराच्या हस्ते अनावरण करण्यात आले.

कार्यक्रमाच्या यशस्वीतेसाठी उपप्राचार्य डॉ.हरिश्चंद्र पतंगे, प्रबंधक संदीप पाटील, अधीक्षक कालिदास बिरादार व गजानन पाटील, नाना शिंदे आणि डॉ.अजय गव्हाणे यांनी सहकार्य केले.