*नवी मुंबईत सानपाडा येथे मोठ्या उत्साहात हळदीकुंकू समारंभ संपन्न*

नवी मुंबईतील शिवसेना उद्धव बाळासाहेब ठाकरे महिला आघाडी सानपाडा यांच्यावतीने  सेक्टर ८ मधील  गणेश मंदिराजवळील हुतात्मा बाबू गेनू सैद मैदानावर  सौ. रशमीताई  ठाकरे यांच्या प्रमुख उपस्थितीत हळदीकुंकू समारंभ मोठ्या उत्साहात संपन्न झाला. याप्रसंगी  विविध क्षेत्रात उल्लेखनीय काम करणाऱ्या महिलांचा विशेष सत्कार करण्यात आला. लहान मुलांनी संयुक्तपणे गाणी सादर केली. मेळाव्यात लकी ड्रॉ विजेत्या महिलांना ३० पैठणी व २ सोन्याच्या नथ देण्यात आल्या. सर्व महिलांचा वाण देऊन त्यांचा सन्मान करण्यात आला. या सोहळ्यासाठी  नवी मुंबईतील हुतात्मा बाबू गेनू मैदान महिलांनी खच्चून भरले होते.  कार्यक्रमाचे निवेदन विभाग प्रमुख अजय पवार यांनी सुंदर केले. त्यांना तेजस्वी मुंडये यांनी सहकार्य केले. याप्रसंगी  मुंबईच्या माजी महापौर विशाखा राऊत,  शिवसेना उपनेत्या ज्योती ठाकरे, नवी मुंबई जिल्हाप्रमुख विठ्ठल मोरे, प्रवीण म्हात्रे, विधानसभा प्रमुख एम. के. मढवी, संपर्क प्रमुख रंजना नेवाळकर, जिल्हा संघटक रंजना शिंत्रे, माजी नगरसेवक व शहर प्रमुख सोमनाथ वास्कर, माजी नगरसेविका व शहर संघटक कोमल वास्कर,  उपशहर प्रमुख सुनील गव्हाणे,  विभाग प्रमुख  बाबाजी इंदोरे, उपविभाग प्रमुख तानाजी चव्हाण,  महिला आघाडी उपविभाग संघटक साधना इंदोरे आदी मान्यवर उपस्थित होते.

आपला 

मारुती विश्वासराव