उदगीरमध्ये पोलीस उपमहानिरीक्षकांच्या पथकाचे धाडसत्र; मटका अड्ड्यांवर छापे टाकून सव्वा लाखांचा मुद्देमाल जप्त

उदगीर: नांदेड परिक्षेत्राचे पोलीस उपमहानिरीक्षक शहाजी उमाप यांच्या विशेष पथकाने लातूर जिल्ह्यातील उदगीर शहर आणि ग्रामीण भागात अवैध मटका अड्ड...

उदगीर: नांदेड परिक्षेत्राचे पोलीस उपमहानिरीक्षक शहाजी उमाप यांच्या विशेष पथकाने लातूर जिल्ह्यातील उदगीर शहर आणि ग्रामीण भागात अवैध मटका अड्ड्यांवर मोठी कारवाई केली आहे. या छाप्यात ६६ हजार रुपयांच्या रोख रकमेसह एकूण १ लाख २८ हजार १२० रुपयांचा मुद्देमाल हस्तगत करण्यात आला असून १२ आरोपींना ताब्यात घेण्यात आले आहे.

पहिली कारवाई: उदगीर शहर

दिनांक ९ मार्च २०२६ रोजी विशेष पथकाने उदगीर शहर पोलीस ठाण्याच्या हद्दीतील हवगीस्वामी मठासमोर एका अर्धवट पडक्या घरात सुरू असलेल्या मटका बुक्कीवर धाड टाकली. या कारवाईत:
५१,७९० रुपये रोख जप्त करण्यात आले.
२०,००० रुपये किमतीचे ३ मोबाईल फोन हस्तगत केले.
एकूण ०९ आरोपींना ताब्यात घेऊन त्यांच्यावर महाराष्ट्र जुगार कायद्यान्वये गुन्हा दाखल करण्यात आला आहे.
दुसरी कारवाई: उदगीर ग्रामीण
दुसऱ्या एका कारवाईत, उदगीर ग्रामीण पोलीस ठाण्याच्या हद्दीतील एस.टी. कॉलनी परिसरातील पत्राच्या शेडमध्ये सुरू असलेल्या मटका बुक्कीवर पोलिसांनी छापा टाकला. या ठिकाणी:
२१,३३० रुपये रोख आणि २०,००० रुपयांचे २ मोबाईल जप्त केले.
१५,००० रुपये किमतीचे 'G win' लॉटरीचे साहित्य जप्त करण्यात आले.
या प्रकरणात ०३ आरोपींना ताब्यात घेण्यात आले आहे.
पथकाची कामगिरी आणि आवाहन
नांदेड परिक्षेत्रातील अवैध व्यवसायांना पायबंद घालण्यासाठी पोलीस उपमहानिरीक्षक शहाजी उमाप यांनी हे पथक पाठविले होते. या मोहिमेत पोलीस उपनिरीक्षक पंकज इंगळे, प्रदिप खानसोळे, संजीव जिंकलवाड, गणेश धुमाळ आणि कामाजी गवळी यांचा समावेश होता.