ग्रंथोत्सवामुळे वाचन संस्कृतीच्या संवर्धनास मदत - आमदार विक्रम काळे

लातूर (औसा): ग्रंथ वाचनाने माणसाचे मस्तक समृद्ध होते आणि समृद्ध मस्तक कोणापुढेही झुकत नाही. हा विचार आजच्या डिजिटल युगात रुजविण्याची गरज असल...

लातूर (औसा): ग्रंथ वाचनाने माणसाचे मस्तक समृद्ध होते आणि समृद्ध मस्तक कोणापुढेही झुकत नाही. हा विचार आजच्या डिजिटल युगात रुजविण्याची गरज असल्याचे प्रतिपादन आमदार विक्रम काळे यांनी केले. औसा येथील श्री मुक्तेश्वर विद्यालयात आयोजित दोन दिवसीय लातूर जिल्हा ग्रंथोत्सवाचे उद्घाटन त्यांच्या हस्ते दिमाखात पार पडले


ग्रंथदिंडीने प्रारंभ: सकाळी श्रीरंग गहिनीनाथ यांच्या हस्ते ग्रंथपूजन करून ग्रंथदिंडी काढण्यात आली, ज्यात वारकरी वेशभूषेत विद्यार्थी सहभागी झाले होते.
वाचन चळवळीला बळ: युवा पिढीमध्ये वाचनाची ओढ निर्माण करण्यासाठी आपण ३५० शाळा-महाविद्यालयांना प्रत्येकी ३६ हजार रुपयांची ग्रंथसंपदा दिली असल्याची माहिती आ. काळे यांनी दिली.
ग्रंथ भविष्याचे दिशादर्शक: कार्यक्रमाचे अध्यक्ष प्राचार्य डॉ. सोमनाथ रोडे यांनी ग्रंथांना मानवी जीवनाचे प्रेरणास्थान आणि भविष्याचे दिशादर्शक असल्याचे म्हटले.
जिल्हाधिकाऱ्यांची भेट: जिल्हाधिकारी वर्षा ठाकूर-घुगे यांनी ग्रंथ दालनांना भेट देऊन नागरिकांनी किमान एक तरी पुस्तक खरेदी करून वाचनाचा छंद जोपासावा, असे आवाहन केले.
या सोहळ्याला उपजिल्हाधिकारी सायली ठाकूर, जिल्हा ग्रंथालय अधिकारी वंदना काटकर यांच्यासह जिल्ह्यातील साहित्यिक आणि ग्रंथप्रेमी मोठ्या संख्येने उपस्थित होते.