टेनिस हॉलीबॉल, फ्लोअरबॉल खेळाला राजाश्रय मिळवून देऊ - विनोद बोराडे - खेळ व खेळाडू यांना शासनाच्या सर्व सुविधा मिळवून देण्यासाठी शासन दरबारी प्रयत्न करणार

सेलू (प्रतिनिधी): भारताचे सशक्त नागरिक घडविण्यासाठी खेळाचे महत्व अनन्यसाधारण आहे. शालेय जीवनापासूनच विद्यार्थ्यांना खेळाची आवड लागली तर त्या...

सेलू (प्रतिनिधी):

भारताचे सशक्त नागरिक घडविण्यासाठी खेळाचे महत्व अनन्यसाधारण आहे. शालेय जीवनापासूनच विद्यार्थ्यांना खेळाची आवड लागली तर त्यांची शारीरिक तंदुरुस्ती ही बौद्धिक संपन्नतेकडे घेवून जाईल. आज भारतात खेलो इंडिया व इतर उपक्रमाबरोबरच देशी विदेशी खेळांची मोठी रेलचेल सुरू आहे. यामध्ये टेनिस हॉलीबॉल व फ्लोअरबॉल खेळ मागे नाही. परंतु , या खेळाला महाराष्ट्र शासन, केंद्र शासन, यांच्यामार्फत विविध सुविधा उपलब्ध करून, राजाश्रय, समाज आश्रय देण्यासाठी आम्ही प्रयत्नशील राहू असे राष्ट्रवादी काँग्रेस पार्टीचे नेते माजी नगराध्यक्ष विनोद बोराडे बोराडे म्हणाले.

     क्रीडा व युवक सेवा संचालनालय महाराष्ट्र राज्य पुणे जिल्हा क्रीडा अधिकारी कार्यालय परभणी व नूतन विद्यालय, सेलू यांच्या संयुक्त विद्यमाने शालेय राज्यस्तरीय टेनिस हॉलीबॉल व फ्लॉवरबॉल क्रीडा स्पर्धेच्या उद्घाटन प्रसंगी राष्ट्रवादी काँग्रेस पार्टी चे नेते सेलू नगरपरिषदेचे माजी नगराध्यक्ष विनोद बोराडे होते, शनिवार, दि.१० फेब्रुवारी, २०२४ सकाळी १०:०० वाजता नूतन विद्यालयाच्या क्रीडांगणावर स्पर्धेचे उद्घाटन त्यांच्या हस्ते झाले. उद्घाटन समारंभाच्या अध्यक्षस्थानी डॉ. सत्यनारायणजी लोया तर प्रमुख उपस्थितीमध्ये टेनिस हॉलीबॉल खेळाचे जनक व्यंकटेश वांगवाड, राज्य सचिव रवींद्र चौथवे, नूतन विद्यालय संस्था सचिव डॉ. विनायक कोठेकर, संदीप लहाने, दत्तराव पावडे, प्रभाकर सुरवसे, मिलिंद सावंत, रामेश्वर कोरडे, मिलिंद कुलकर्णी आदी उपस्थित होते.

मान्यवरांना ६५० खेळाडूंनी मार्च पास करून मान वंदना दिली. क्रीडा ज्योत मान्यवरांच्या हस्ते प्रज्वलित करत राष्ट्रीय खेळाडूं कडे सुर्फेत करण्यात आली. 

याप्रसंगी योगासनपटुंनी चित्तथरारक प्रात्यक्षिके सादर करून महाराष्ट्र राज्यातील खेळाडूंचे मने जिंकली. 

           शालेय राज्यस्तरीय टेनिस हॉलीबॉल व फ्लोअरबॉल स्पर्धेसाठी वयोगट १४, १७ आणि १९ वर्षाखालील मुला - मुलींचे संघ ७२ संघातील ६५० खेळाडू चा सहभाग.अमरावती, छत्रपती संभाजीनगर, पुणे, कोल्हापूर, लातूर, नागपूर, नाशिक, मुंबई या विभागातून खेळाडू या स्पर्धेत सहभागी झाले आहेत.

          उद्घाटन समारंभाचे प्रास्ताविक मुख्याध्यापक संतोष पाटील, सूत्रसंचालन गोपाल आम्ले तर आभार प्रदर्शन प्रशांत नाईक यांनी केले.

             नूतन विद्यालय क्रीडा विभाग प्रमुख तथा राज्य सचिव गणेश माळवे, पर्यवेक्षक डी.डी सोन्नेकर, के. के .देशपांडे यांच्या मार्गदर्शनाखाली स्पर्धा यशस्वी करण्यासाठी. . . . हे प्रयत्नशील आहेत.