नांदेड: प्रतिनिधि गेल्या ७२ तासांत सलग पाच खुनाच्या घटनांनी नांदेड जिल्हा पुन्हा एकदा हादरला आहे. सोमवारी पहाटे मॉर्निंग वॉकसाठी गेलेले शिंद...
सोनू कल्याणकर हे रामराव पवार मार्ग परिसरातील रहिवासी होते. सोमवारी पहाटे ते नेहमीप्रमाणे मॉर्निंग वॉकसाठी बाहेर पडले असता, दबा धरून बसलेल्या ३ ते ४ हल्लेखोरांनी श्रीनगरमधील कुमार ड्रेसेससमोर त्यांच्यावर हल्ला चढवला.
• १७ वार: धारदार खंजीर आणि तलवारीने सोनू यांच्या शरीराची अक्षरशः चाळण करण्यात आली.
• दहशत: भर रस्त्यात झालेल्या या हल्ल्यामुळे परिसरात नागरिक आणि विद्यार्थ्यांमध्ये मोठी धावपळ उडाली.
• जागीच मृत्यू: प्रचंड रक्तस्राव झाल्यामुळे आयटीआय चौकातील खाजगी रुग्णालयात नेण्यापूर्वीच त्यांचा मृत्यू झाला होता.
⚠️ जुन्या वैमनस्यातून शिकार?
सोनू कल्याणकर हे राजकीय आणि सामाजिक क्षेत्रात सक्रिय होते. काही दिवसांपूर्वीच त्यांनी भाजप सोडून शिवसेना शिंदे गटात प्रवेश केला होता.
• तीन वर्षांपूर्वी रिंदा गँगच्या गोलू मंगनाले याने त्यांच्यावर गोळीबार केला होता, ज्यातून ते बचावले होते.
• या हत्येमागे जेलमध्ये असलेल्या गुंडांचा हात आहे का? याचा तपास पोलीस करत आहेत.
👮 पोलिसांसमोर मोठे आव्हान
शुक्रवारी रात्री कॅनॉल रोडवर तिहेरी हत्याकांड, शनिवारी रणजितसिंह तबेलेवाले यांची हत्या आणि आता सोमवारी सोनू कल्याणकर यांची हत्या. सलग तिसऱ्या दिवशी रक्ताची पहाट उगवल्याने नांदेड पोलिसांच्या कार्यक्षमतेवर प्रश्नचिन्ह उभे राहिले आहे.
पोलीस अधीक्षक अविनाश कुमार, अपर पोलीस अधीक्षक सूरज गुरव यांनी घटनास्थळाची पाहणी केली असून तपासासाठी पथके रवाना करण्यात आली आहेत.
COMMENTS