नांदेड उत्तर विधानसभा मतदारसंघातील विकासकामांवर भर वाडी बुद्रुक येथे अत्याधुनिक उपजिल्हा रुग्णालयाचे लोकार्पण संपन्न

नांदेड: वेदांग भारती नांदेड उत्तर विधानसभा मतदारसंघातील जनतेने सलग दोन वेळा आमदार म्हणून निवडून देत दाखवलेला विश्वास सार्थ ठरवण्यासाठी आपण क...

नांदेड: वेदांग भारती
नांदेड उत्तर विधानसभा मतदारसंघातील जनतेने सलग दोन वेळा आमदार म्हणून निवडून देत दाखवलेला विश्वास सार्थ ठरवण्यासाठी आपण कटिबद्ध असल्याचे प्रतिपादन आमदार कल्याणकर यांनी केले आहे. एका सामान्य शेतकरी कुटुंबातील मुलाला विधानसभेत प्रतिनिधित्व करण्याची संधी मिळाल्यामुळे जनतेच्या ऋणात राहून विकासकामांच्या माध्यमातून ती फेडण्याचा प्रामाणिक प्रयत्न करत असल्याची भावना त्यांनी व्यक्त केली.
सामूहिक प्रयत्नांमुळे साकारले रुग्णालय
वाडी बुद्रुक येथे नवनिर्मित उपजिल्हा रुग्णालयाच्या लोकार्पण सोहळ्यानंतर आयोजित कार्यक्रमात ते बोलत होते. रुग्णालयाच्या उभारणीसाठी वाडी बुद्रुकचे माजी सरपंच, उपसरपंच, ग्रामपंचायतीचे माजी सदस्य, ग्रामस्थ आणि स्थानिक नागरिकांचे मोठे व मोलाचे सहकार्य लाभल्याचे त्यांनी सांगितले. या सर्वांच्या सामूहिक प्रयत्नांमुळेच हे रुग्णालय साकार होऊ शकल्याचे सांगत त्यांनी सर्वांचे आभार मानले.
अडचणींवर मात करत विकासाचा मार्ग
सुरुवातीला रुग्णालयाची इमारत मंजूर करून घेण्यासाठी प्रशासकीय पातळीवर अनेक अडचणी आल्या. काही जणांनी रुग्णालय मंजूर होणार नसल्याची नकारात्मक भूमिका घेतली होती. मात्र, त्यावर मात करत आ. कल्याणकर यांनी सातत्याने पाठपुरावा केला. उपमुख्यमंत्री एकनाथराव शिंदे यांच्याकडे केलेल्या सततच्या पाठपुराव्यामुळे रुग्णालयाची इमारत पूर्ण झाली असून, आता परिसरातील नागरिकांसाठी दर्जेदार आणि आधुनिक सुविधांयुक्त शासकीय रुग्णालय उपलब्ध झाले आहे.
विशेष आभार आणि मार्गदर्शन
या लोकार्पण सोहळ्याप्रसंगी मुख्यमंत्री देवेंद्र फडणवीस, उपमुख्यमंत्री एकनाथराव शिंदे, उपमुख्यमंत्री अजित पवार तसेच आरोग्यमंत्र्यांचे विशेष आभार मानण्यात आले. महायुतीमधील सहकारी पक्षांचे वरिष्ठ नेते, पदाधिकारी आणि कार्यकर्त्यांचे सकारात्मक सहकार्य लाभल्याचे सांगण्यात आले. या कार्यक्रमात जिल्हाधिकारी कार्यालय, महसूल विभाग, सार्वजनिक बांधकाम विभाग, नांदेड महानगरपालिका तसेच आरोग्य विभागातील अधिकारी व कर्मचाऱ्यांनी केलेल्या सहकार्याबद्दल त्यांचे विशेष कौतुक करण्यात आले.