पिंपल्स हायस्कूलच्या सौ भालेराव यांना सेवानिवृत्तीबद्दल निरोप

नांदेड - नांदेड एज्युकेशन सोसायटी संचलित पीपल्स हायस्कूल येथे शाळेच्या पर्यवेक्षिका सौ राजश्री भालेराव यांच्या सेवानिवृत्तीबद्दल निरोप समारं...

नांदेड - नांदेड एज्युकेशन सोसायटी संचलित पीपल्स हायस्कूल येथे शाळेच्या पर्यवेक्षिका सौ राजश्री भालेराव यांच्या सेवानिवृत्तीबद्दल निरोप समारंभाचा कार्यक्रम आयोजित करण्यात आला  या कार्यक्रमाचे अध्यक्ष म्हणून नांदेड एज्युकेशन सोसायटीच्या सचिव प्रा.सौ शामलताई पत्की, प्रमुख अतिथी म्हणून  शालेय समिती अध्यक्ष स. नौनिहालसिंघ  जहागीरदार, शाळेचे मुख्याध्यापक प्रशांत चौधरी,सौ.बोराळकर, प्राथमिकच्या मुख्याध्यापिका सोनाली केंद्रे यांची विशेष उपस्थिती होती.वरील मान्यवरांच्या हस्ते सौ भालेराव यांचा यथोचित  सत्कार करून भेटवस्तू देण्यात आले. याप्रसंगी नांदेड एज्युकेशन  सोसायटीच्या सचिव पदी पाचव्यांदा निवड झाल्याबद्दल प्रा. सौ. शामलताई पत्की त्यांचा शालेय समिती व शाळेच्या वतीने विशेष सत्कार करण्यात आला.याप्रसंगी बोलताना शामलताई पत्की यांनी सौ भालेराव यांच्या कार्याचा गौरव करून यापुढेही शाळेचे नावलौकिक वाढविण्यासाठी सर्व शिक्षक व शिक्षकेतर कर्मचारी एकजुटीने काम करण्याचे आव्हान केले. यावेळी नौनिहाल सिंघ जागीरदार यांनी शाळेतील शिक्षकांनी शाळेच्या विकासासाठी करीत असलेल्या उपक्रमाबद्दल माहिती देऊन लवकरच शाळेची भव्य इमारत उभी करण्यासाठी संस्थेने पुढाकार घेतल्याचे सांगितले. या कार्यक्रमाचे प्रास्ताविक शाळेचे मुख्याध्यापक प्रशांत चौधरी, सूत्रसंचालन सौ श्रद्धा सावले व आभार व्ही. आर. चिलवरवार यांनी मानले. याप्रसंगी सौ भालेराव यांचे नातेवाईक व शाळेतील सर्व शिक्षक, शिक्षकेतर कर्मचारी उपस्थित होते.