वचनपूर्ती! आमदार नगरमध्ये सिमेंट रस्त्याच्या कामाचा धडाक्यात शुभारंभ; नगरसेवक सुहास कल्याणकर यांच्याकडून दिलेला शब्द पूर्ण

0 0 संपादक धनराज भारती सोमवार, मार्च ०९, २०२६ Edit this post

नांदेड (प्रतिनिधी):

निवडणुकीत जनतेला दिलेल्या आश्वासनांची पूर्तता करत, प्रभाग क्रमांक १ मधील विकासकामांना आता मोठी गती मिळाली आहे. आमदार नगर भागातील प्रलंबित सिमेंट रस्त्याच्या (CC Road) कामाला नुकताच जेसीबीच्या सहाय्याने प्रारंभ करण्यात आला. नवनिर्वाचित नगरसेवक सुहास कल्याणकर यांनी 'आमचं कामच आमची ओळख' हा मंत्र जपत प्रत्यक्ष कृतीतून कामाला सुरुवात केल्याने स्थानिक नागरिकांनी समाधान व्यक्त केले आहे.

दिमाखदार भूमिपूजन सोहळा

या सिमेंट रस्त्याच्या कामाचे भूमिपूजन नांदेड उत्तर मतदारसंघाचे लोकप्रिय आमदार बालाजी दादा कल्याणकर यांचे धाकटे बंधू एकनाथ दादा कल्याणकर यांच्या हस्ते उत्साहात पार पडले. प्रभाग क्रमांक १ मधील आमदार नगर येथील हा रस्ता परिसरातील दळणवळणाच्या दृष्टीने अत्यंत महत्त्वाचा मानला जातो. पावसाळ्यात होणारा चिखल आणि खड्ड्यांच्या त्रासातून आता नागरिकांची कायमस्वरूपी सुटका होणार आहे.

वचनपूर्तीचा ध्यास

नगरसेवक सुहास कल्याणकर यांनी निवडून आल्यापासून प्रभागातील मूलभूत समस्या सोडवण्यावर भर दिला आहे. "लोकांना जो शब्द दिला होता, तो पाळणे हेच आमचे कर्तव्य आहे," अशा शब्दांत त्यांनी आपल्या भावना व्यक्त केल्या. यावेळी जेसीबी द्वारे प्रत्यक्ष खोदाईला सुरुवात होताच उपस्थित रहिवाशांनी सुहास कल्याणकर आणि कल्याणकर परिवाराचे आभार मानले.

प्रमुख मान्यवरांची उपस्थिती

या भूमिपूजन प्रसंगी विकासकामांचा हा रथ पुढे नेण्यासाठी अनेक मान्यवरांनी उपस्थिती लावली. यात प्रामुख्याने:
नगरसेवक

सुहास भाऊ कल्याणकर

• नगरसेवक योगेश मुंढे

• एकनाथ दादा कल्याणकर

• आमदार महोदयांचे कट्टर समर्थक प्रदीप बोडके • नाईक सर, पांचाळ सर, केसगिरे सर

यांच्यासह परिसरातील नागरिक आणि कार्यकर्ते मोठ्या संख्येने उपस्थित होते.