धरणे आंदोलनात प्रचंड संख्येने सहभागी होऊन आपला असंतोष व्यक्त करण्यात आला. सूर्यकांत विश्वासराव,
नांदेड / प्रतिनिधी (19 डिसेंबर)
राज्यातील शिक्षक व शिक्षकेत्तर कर्मचाऱ्यांच्या राज्य शासनाकडे गेल्या अनेक वर्षा पासून प्रलंबित आसलेल्या विविध मागण्याकडे लक्ष वेधण्यासाठी व त्यामार्गी लावण्यासाठी मराठवाडा शिक्षक संघाच्या वतीने संघटनेचे मार्गदर्शक पी.एस.घाडगे, व्ही.जी.पवार यांच्या मार्गदर्शनाखाली व संघटनेचे अध्यक्ष सुर्यकांत विश्वासराव, सरचिटणीस राजकुमार कदम यांच्या नेतृत्वाखाली गुरुवार दि.१९ डिसेंबर रोजी मराठवाडा विभागातील सर्व माध्यमिक विभागाच्या शिक्षणाधिकारी कार्यालयासमोर दुपारी ४ ते सांय.६ यावेळेत लक्षवेधी धरणे आंदोलन आयोजित केले होते या धरणे आंदोलनात प्रचंड संख्येने शिक्षक व शिक्षकेतर कर्मचाऱ्यांनी सहभागी होऊन आपला असंतोष व्यक्त केल्याची माहिती मराठवाडा शिक्षक संघाचे जिल्हाध्यक्ष व्ही. आर. चिलवरवार यांनी दिले आहे.
मराठवाडा शिक्षक संघाचे जिल्हाध्यक्ष व्ही. आर. चिलवरवार यांनी दिलेल्या प्रसिध्दी पत्रकात म्हटले आहे की,राज्यातील कर्मचाऱ्यांची अंशदायी पेंन्शन योजना रद्द करून सर्वांनाच जुनी पेंन्शन योजना लागू करावी, शालेय शिक्षण व क्रिडा विभागाच्या २३ ऑगस्ट २०२४ च्या शासनादेशा नुसार शिक्षकांची बीएलओ तथा पर्यवेक्षक कामासह सर्व अशैक्षणिक कामातून मुक्तता करण्यात यावी. राज्यातील निकषपात्र विनाअनुदान शाळा, वर्ग आणि तुकड्यांना प्रचलित अनुदान सुत्रा नुसार 100% अनुदान देवून शिक्षकांची वेठबिगारी थांबवावी, सातव्या वेतन आयोगाच्या थकबाकीचा तिसरा व चौथा हप्ता अदा करावा, शिक्षकांना १०,२०,३० ही तीन लाभांची आश्वासीत प्रगती योजना लागू करावी,इंग्रजी माध्यमांच्या शाळेतील कार्यरत शिक्षक व शिक्षकेत्तर कर्मचाऱ्यांना शिक्षण विभागाकडून कायम स्वरुपाच्या वैयक्तिक मान्यता देण्यात याव्यात यासह इतर अनेक मागण्यांसाठी मराठवाडा शिक्षक संघाच्या वतीने नांदेड येथे (मा) शिक्षणाधिकारी कार्यालयासमोर धरणे आंदोलन करून मा. शिक्षणाधिकारी रामचंद्र पाचंगे साहेब, व उपशिक्षणाधिकारी शेटकार साहेब यांना निवेदन देण्यात आले. यावेळी जिल्ह्यातील सर्व माध्यमाच्या शाळेतील शिक्षक व शिक्षकेत्तर कर्मचारी बांधवांनी मोठ्या संख्येने उपस्थित राहून आंदोलन यशस्वी केले . या आंदोलनात मराठवाडा शिक्षक संघाचे अध्यक्ष सूर्यकांत विश्वासराव, सहसचिव सौ. रेखा सोळुंके, जिल्हाध्यक्ष व्ही.आर.चिलवरवार, सचिव आर के वाकोडे, ई डी पाटोदेकर, मुख्याध्यापक संघटनेचे राज्य सचिव अशोक मोरे, यशवंत गजभारे,संस्थाचालक संघटनेचे अशोक पाटील सुगावकर, जुनी पेन्शन योजनेचे संदीप मस्के,बी डी.जाधव, डी. बी. नाईक, आनंद मोरे, आर.पी वाघमारे, विजय खुनिवाड,राम येडते,आर. एम. जी. पी. बंडूरे, राजेश कदम, डाँ.विठ्ठल भंडारे, के जी ईसादकर, विनोद भुताळे,संभाजी बुड्डे, मोहन पिनाटे, जे बी शिंदे, रमेश कराळे, व्यंकट हुनगुंडे, आनंद सुरसे, बी जी घाटे, आतनुरकर सर, मिलिंद सर्जे, प्रदीप सूर्यवंशी, शिवराज कदम, मंगेश चाबरेकर, प्रशांत मारलेवाड, रोहिना तहसीम मॅडम, नाझिया मॅडम, सायदा मॅडम, अंजुम कौसर, नरसिंग सुपलकर यांच्यासह शिक्षक व शिक्षकेतर कर्मचारी मोठ्या संख्येने उपस्थित होते.
addComments
टिप्पणी पोस्ट करा