*सानपाडा येथे श्री. दत्त मंदिर विद्यालयात वार्षिक स्नेहसंमेलन संपन्न*

नवी मुंबई सानपाडा येथे नवी मुंबई महानगरपालिकेच्या श्री. दत्त मंदिर विद्यालयात २ मार्च २०२४ रोजी वार्षिक स्नेहसंमेलन संपन्न झाले. खाजगी शाळेत ज्या पालकांची फी भरण्याची आर्थिक परिस्थिती नसते, असे एक हजार गरीब व गरजू विद्यार्थी या शाळेत शिकत असून त्यांच्या कलागुणांना वाव देण्यासाठी हा कौतुक सोहळा आयोजित केला होता. गेली पंधरा वर्ष अशाप्रकारे महानगरपालिकेच्या शाळेत वार्षिक स्नेहसंमेलन साजरे करणारी नवी मुंबई सानपाडा येथील ही एकमेव शाळा असावी. या सोहळ्याला नगरसेवक सोमनाथ वास्कर व कोमल वास्कर यांनी नेहमीप्रमाणे बहुमोल सहकार्य केले. नवी मुंबई महानगरपालिकेचे अनेक पुरस्कार या शाळेला मिळालेले आहेत. त्यामुळे ज्या विद्यार्थ्यांनी हे पुरस्कार मिळविले त्यांचा शाल व तुळशी वृंदावन देऊन सत्कार करण्यात आला. कार्यक्रमाला या शाळेचे सेवानिवृत्त मुख्याध्यापक, आदर्श शिक्षक राष्ट्रपती पुरस्कार विजेते अय्याउद्दीन शेख सर, पोर्ट ट्रस्ट कामगार अंकाचे कार्यकारी संपादक मारुती विश्वासराव, नगरसेवक सोमनाथ वास्कर, कोमल वास्कर, महिला विभागसंघटक कविता ठाकुर , नेहा वास्कर, शिवसेना उपशहरप्रमुख सुनील गव्हाणे , विभागप्रमुख अजय पवार, आशिष वास्कर , उपविभागप्रमुख तानाजी चव्हाण , संजय पाटिल , शाखाप्रमुख दत्तात्रय कुरळे , अतुल डेरे , रवि देशमुख , रणधीर सुर्वे , प्रल्हाद गायकवाड , बबन ठाकुर , प्रमोद ठाक़ुर , डॉ. भूषण जैन , ७.५० गार्डन ग्रुप , वाडा ग्रुप आणि श्री दत्त मंडळाचे सदस्य आदी मान्यवर उपस्थित होते. मुख्याध्यापिका श्रीमती जयश्री विधाटे व मुख्याध्यापक श्री. मंगल भोईर यांनी सर्व शिक्षक, विद्यार्थी व पालकांचे आभार मानले. यावर्षी वार्षिक स्नेहसंमेलनात पहिली ते दहावीच्या विद्यार्थी विद्यार्थिनींनी संस्कृती भारताची या विषयावर आधारित विविध गायनाच्या स्पर्धेमध्ये सहभाग घेतला होता. गायन स्पर्धेत उत्कृष्ट कामगिरी केल्याबद्दल दोन विद्यार्थ्यांना नगरसेवक सोमनाथ वास्कर व कोमल वास्कर यांनी दत्तक घेतले व त्यांचा पुढील गायनाचा खर्च नगरसेवक वास्कर कुटुंब करणार आहेत. कार्यक्रमाचे निवेदन श्रीमती स्मिता धमामें यांनी सुंदररित्या केले तर विद्यार्थ्यांचे नृत्य ईशांत ठाकुर व हिनल ठाकुर यांच्या नृत्यांगणा डान्स अकैडमी हयांनी बसवुन घेतले आणि आभार मुख्याध्यापक मंगल भोईर यांनी मानले. कार्यक्रमाच्या शेवटी सर्व पालक व विद्यार्थ्यांना स्नेहभोजन देण्यात आले. कार्यक्रम यशस्वी करण्यासाठी सर्व शिक्षक वृंद व शालॆय बहुउद्देशीय कामग़ारांनी मेहनत केली

आपला

 मारुती विश्वासराव