ड्युटी वरुन परतताना अपघातात होमगार्ड जखमी

 

 दिंद्रुड प्रतिनिधी 

 

माजलगाव तालुक्यातील दिंद्रुड पोलिस स्टेशन अंतर्गत तेलगाव येथे नाकाबंदी साठी रात्रपाळी ची ड्युटी करुन परतताना मोटार सायकल स्वार होमगार्ड चा अपघात झाल्याची घटना शनिवारी पहाटे बीड-परळी हायवेवर संगम स्टेज नजदीक घडली.  

 

  उमेश मायकर रा. जहागीर मोहा ता.धारुर हे जखमी होमगार्ड चे नाव आहे. तेलगाव चौकात शुक्रवारी रात्री नाकाबंदी करण्यात आली होती.रात्रभर जागरण झाल्याने मोटार सायकल वरील ताबा सुटल्याचा प्राथमिक माहिती असुन संगम येथिल व्यायाम करण्यासाठी बाहेर आलेल्या युवकांनी अपघातात जखमी युवकास तात्काळ उचलुन दिंद्रुड पोलिसां मार्फत माजलगाव येथिल ग्रामीण रुग्णालयात दाखल केले आहे.