दिल्लीतील आंदोलनात खा.रवींद्र चव्हाण यांच्या नेतृत्वाखाली शेकडो कार्यकर्त्यांचा सहभाग

नांदेड :* देशातील लोकशाही व्यवस्था आणि निवडणूक प्रक्रियेतील पारदर्शकतेच्या प्रश्नावर दिल्ली येथे आज आयोजित करण्यात आलेल्या विरोधी पक्षांच्या...

नांदेड :* देशातील लोकशाही व्यवस्था आणि निवडणूक प्रक्रियेतील पारदर्शकतेच्या प्रश्नावर दिल्ली येथे आज आयोजित करण्यात आलेल्या विरोधी पक्षांच्या आंदोलनात नांदेड जिल्ह्यातील काँग्रेस कार्यकर्त्यांनी मोठ्या उत्साहाने सहभाग नोंदविला. नांदेड लोकसभा मतदारसंघाचे खासदार रवींद्र वसंतराव चव्हाण यांच्या नेतृत्वाखाली काल दिल्लीकडे रवाना झालेले शेकडो कार्यकर्ते आजच्या आंदोलनात सहभागी झाले. लोकशाही व संविधानिक मूल्यांच्या रक्षणासाठी नांदेडच्या कार्यकर्त्यांनी दिल्लीच्या आंदोलनात आपली ताकद दाखवून दिली.
मुख्य निवडणूक आयुक्त ज्ञानेश कुमार यांच्या विरोधात विरोधकांनी आक्रमक भूमिका घेतली असून, निवडणूक प्रक्रियेतील कथित अनियमितता, मतदार याद्यांमधील त्रुटी, मतदारांच्या मतदानाच्या अधिकारासंदर्भातील प्रश्न आणि निवडणूक आयोगाच्या निष्पक्षतेबाबत विरोधकांनी गंभीर आक्षेप उपस्थित केले आहेत. या पार्श्वभूमीवर दिल्ली येथे इंडिया आघाडीच्या वतीने जनमहाभियोग प्रस्तावाच्या मागणीसाठी आंदोलन करण्यात आले.
या आंदोलनात काँग्रेसचे राष्ट्रीय अध्यक्ष मल्लिकार्जुन खरगे, राहुल गांधी, सोनिया गांधी यांच्यासह इंडिया आघाडीतील विविध पक्षांचे प्रमुख नेते, खासदार आणि पदाधिकारी सहभागी झाले होते. निवडणूक प्रक्रियेत पारदर्शकता असावी, लोकशाही संस्थांचे स्वातंत्र्य अबाधित राहावे आणि मतदारांचा विश्वास कायम राहावा, अशी मागणी यावेळी विरोधकांनी केली.
खासदार रवींद्र चव्हाण यांच्या नेतृत्वाखाली नांदेडचा सक्रिय सहभाग
या राष्ट्रीय आंदोलनात नांदेड जिल्ह्याचा सहभाग विशेष लक्षवेधी ठरला. खासदार रवींद्र वसंतराव चव्हाण यांच्या नेतृत्वाखाली जिल्ह्यातील काँग्रेस पदाधिकारी, कार्यकर्ते आणि विविध आघाड्यांच्या प्रतिनिधींनी दिल्ली येथे उपस्थित राहून आंदोलनाला पाठिंबा दिला. काल दिल्लीला रवाना झालेले कार्यकर्ते आज प्रत्यक्ष आंदोलनाच्या ठिकाणी सहभागी झाले आणि लोकशाहीच्या रक्षणासाठी आपला आवाज बुलंद केला.
नांदेडमधील सहभागी कार्यकर्ते
खासदार रवींद्र वसंतराव चव्हाण, विठ्ठल पावडे (उत्तर जिल्हाध्यक्ष), अब्दुल गफार (शहराध्यक्ष), प्रा. यशपाल भिंगे, ॲड. सुरेंद्र घोडजकर, डॉ. श्रवण रप्पेनवाड, तिरुपती कदम कोंढेकर, राजेश पावडे, महेश देशमुख, डॉ. रेखा चव्हाण, ललिता कुंभार, गणेश धागे, अरविंद क्षीरसागर, सोपान बोने, शंकर शिंदे, अंबादास रताळे, प्रकाश दीपके, गणेश कोकाटे, आशीष शिंदे, अक्षय नळगे, अझहर शेख, प्रथमेश गिरी, श्यामराव पाटील मनाठकर, बाळासाहेब देशमुख आंबेगावकर, दादाराव पाटील पुईयाड, श्याम पाटील रोहीपिंपळगावकर, नंदकुमार देशमुख उंचेगावकर, अब्दुल अजीज कुरेशी, शेर अली, डॉ. अब्दुल बाकी, बाबुभाई खोकेवाले, वाजिद जहागिरदार, मुंतजीबुद्दीन, अलीम खान, जावेद चौस, जावेद जेडी, फारूक अली खान, डॉ. दिनेश निखाते, आकाश जाधव, संजय कवठेकर, शिवकांता कदम, मोहम्मद सादेक अब्दुल सत्तार, वाजिद अन्सारी, इमरान खान, उमेर शेख, रफिक बागवान, सय्यद रेहान, सय्यद अजगर, विखर पैलवान, संभाजी पाटील उंड्रीकर, नवले प्रकाश निळमवाड, विलास पाटील गवळेवाडीकर, प्रकाश भगनुरे (सेवादल) आणि मधुकर दिघे.
यांच्यासह अनेक कार्यकर्त्यांनी सहभाग नोंदविला.
लोकशाही ही केवळ निवडणुकीपुरती मर्यादित नसून ती जनतेच्या अधिकारांची आणि संविधानिक मूल्यांची ओळख आहे. निवडणूक प्रक्रिया पारदर्शक आणि निष्पक्ष असावी, प्रत्येक मतदाराचा मतदानाचा अधिकार सुरक्षित राहावा आणि लोकशाही संस्थांवरील जनतेचा विश्वास कायम राहावा, या मागण्यांसाठी हे आंदोलन करण्यात आले.
खासदार रवींद्र वसंतराव चव्हाण यांच्या नेतृत्वाखाली नांदेड जिल्ह्यातील कार्यकर्त्यांनी दिल्लीतील आंदोलनात मोठ्या संख्येने सहभागी होऊन पक्षाची एकजूट आणि लोकशाहीप्रती असलेली बांधिलकी अधोरेखित केली. नांदेडच्या कार्यकर्त्यांचा हा सहभाग जिल्ह्याच्या राजकीय आणि सामाजिक क्षेत्रात चर्चेचा विषय ठरला आहे.