किनवट (प्रतिनिधी) : एकस्तर पदोन्नती वेतनश्रेणीचा प्रलंबित प्रश्न तातडीने सोडविण्याचे आश्वासन आमदार भीमराव केराम यांनी दिले. महाराष्ट्र राज्य प्राथमिक शिक्षक संघाच्या शिष्टमंडळाने ९ ऑक्टोबर रोजी आमदार केराम यांची भेट घेऊन या प्रश्नावर सविस्तर चर्चा केली.एकस्तर पदोन्नती वेतनश्रेणीच्या अंमलबजावणीसंदर्भात शिक्षकांना अडचणींचा सामना करावा लागत असल्याने संघाच्या पदाधिकाऱ्यांनी आमदार केराम यांना निवेदन सादर केले. हा प्रश्न तातडीने मार्गी लावण्यासाठी आवश्यक कार्यवाही करावी, अशी मागणी यावेळी करण्यात आली. आमदार केराम यांनी या प्रश्नाची दखल घेत तो सोडविण्यासाठी सकारात्मक आश्वासन दिले.या शिष्टमंडळात जगदीश कोमरवार, विजय पेन्दोर, रामेश्वर आत्राम, भुजंग मेश्राम, वैभव मेश्राम, तानाजी टेकाम, कोवे सर, डवरे सर, मारुती मडावी, दीपक कुडमेते, प्रवीण बनवस्कर आणि किसन धुर्वे यांच्यासह शिक्षक व पदाधिकारी उपस्थित होते.
.png)
COMMENTS