मराठवाडा निजामबाद या भागातील शेतकरी हळद काढल्यानंतर एकदाच बाजारात न आणता वर्षभरातून दोन-तीन वेळेस विकतात. त्यामुळे त्यांना हळदीचा बऱ्यापैकी दर मिळतो याउलट मराठवाड्यातील शेतकरी मात्र हळद काढल्यानंतर सर्व हळद एकदाच विकण्याची घाई करतात. त्यामुळे शेतकऱ्यांच्या हळदीला योग्य भाव मिळत नाही. यावर्षी हळदीच्या उत्पादनामध्ये मोठी घट आल्याने हळदीचे भाव स्थिर राहतील किंवा वाढतील असा अंदाज आहे परंतु सध्या हळद काढणी झाल्यामुळे आणि शेतकरी आहे तेवढी हळद एकदाच बाजारात आणत आसल्याने व्यापाऱ्यांची अडचण होते भाव पाडतात. मोठ्या प्रमाणावर हळद आल्यामुळे व्यापाऱ्यांची ही धावपळ होते साठवणुकीची यंत्रणा कमी पडते पैशाचा तुटवडा निर्माण होतो वेळेवर वजन काटे होत नाहीत आणि पर्यायाने शेतकऱ्यांनाही चांगला भाव मिळत नाही त्यामुळे शेतकऱ्यांनी आता एकदाच हळद विकण्याची मानसिकता बदलावी व गरजेनुसार एवढीच हळद विकून उर्वरित हळद घरी ठेवली तर भाव वाढल्याच्या नंतर उर्वरित हळदीचा योग्य लाभ शेतकऱ्यांना घेता येतो. म्हणून मराठवाड्यातील शेतकऱ्यांनी पश्चिम महाराष्ट्रातील शेतकऱ्यांचे व निजामबाद भागातील शेतकऱ्यांचे अनुकरण करावे. यावर्षी हळदीचा उत्पादनामध्ये मोठी घट येत असल्याने भविष्यात हळदीचे भाव नक्कीच वाढतील आणि वाढलेल्या भावाचा शेतकऱ्यांना लाभ घेता येईल असे आवाहन शिवसेना प्रणित शेतकरी सेनेचे प्रदेश सरचिटणीस शेतकरी नेते प्रल्हाद इंगोले यांनी शेतकऱ्यांना केले आहे.
COMMENTS