विद्यार्थी ते अध्यक्ष: एका गौरवशाली प्रवासाचा नवा अध्याय; उपाध्यक्षपदी ऍड. प्रफुल्ल अग्रवाल तर सचिवपदी प्रा. श्यामल पत्की यांची निवड नांदेड...
नांदेड: हैदराबाद मुक्ती संग्रामाचे महानायक पूज्य स्वामी रामानंद तीर्थ यांनी स्थापन केलेल्या आणि ७५ वर्षांची देदीप्यमान परंपरा लाभलेल्या 'नांदेड एज्युकेशन सोसायटी' च्या अध्यक्षपदी सीए डॉ. प्रविण पाटील यांची सर्वानुमते निवड करण्यात आली आहे. विशेष म्हणजे, संस्थेच्या ७५ वर्षांच्या इतिहासात पहिल्यांदाच पीपल्स महाविद्यालयाच्या एका माजी विद्यार्थ्याला अध्यक्षपदाचा बहुमान मिळाला असून, ते संस्थेचे चौथे अध्यक्ष ठरले आहेत.
नूतन कार्यकारिणी जाहीर
माजी खा. डॉ. व्यंकटेश काब्दे यांनी प्रकृतीच्या कारणास्तव राजीनामा दिल्यानंतर रिक्त झालेल्या पदांवर कार्यकारिणीच्या बैठकीत ही महत्त्वपूर्ण निवड करण्यात आली:
• अध्यक्ष: सीए डॉ. प्रविण सदाशिवराव पाटील
• उपाध्यक्ष: ऍड. प्रफुल्ल राधाकृष्ण अग्रवाल
• सचिव: प्रा. श्यामल दीपनाथ पत्की (कुरुंदकर)
• सहसचिव: ऍड. कॉ. प्रदीप अनंतराव नागापूरकर
स्वामीजी आणि गोविंदभाई श्रॉफ यांनी घालून दिलेल्या आदर्श पायवाटेवरूनच संस्थेचा सर्वांगीण विकास साधणार. विद्यार्थी आणि कर्मचाऱ्यांचे हित हेच माझे पहिले प्राधान्य असेल." > — सीए डॉ. प्रविण पाटील (नवनियुक्त अध्यक्ष)
एक आगळावेगळा प्रवास: पीपल्सचा विद्यार्थी आता 'कॅप्टन'!
डॉ. प्रविण पाटील यांचा या संस्थेशी ऋणानुबंध जुना आहे. पीपल्स महाविद्यालयाचे विद्यार्थी, त्यानंतर कार्यकारिणी सदस्य, उपाध्यक्ष आणि आता थेट अध्यक्ष असा त्यांचा प्रवास प्रेरणादायी ठरला आहे. डॉ. व्यंकटेश काब्दे यांनी आपल्या कार्यकाळात संस्थेला दिलेल्या शैक्षणिक उंचीचा वारसा डॉ. पाटील समर्थपणे पुढे नेतील, असा विश्वास व्यक्त होत आहे.
मान्यवरांची उपस्थितीया निवडीच्या वेळी स. नौनिहालसिंघ जहागिरदार, डॉ. उमेश भालेराव, ऍड. चिरंजीलाल दागडीया, शांभवी साले, प्राचार्य डॉ. एल. पी. शिंदे यांच्यासह अनेक शिक्षणतज्ज्ञ व कार्यकारिणी सदस्य उपस्थित होते. या निवडीबद्दल नांदेडच्या शैक्षणिक वर्तुळातून आनंदाचा वर्षाव होत आहे.
COMMENTS