जाहीर आवाहन (

हदगाव शहरातील सर्व जनतेस सूचित करण्यात येते की, मा.आमदार श्री. माधवराव पाटील जवळगावकर महोदय यांच्या अध्यक्षतेखाली व मा.उपविभागीय अधिकारी श्र...

हदगाव शहरातील सर्व जनतेस सूचित करण्यात येते की, मा.आमदार श्री. माधवराव पाटील जवळगावकर महोदय यांच्या अध्यक्षतेखाली व मा.उपविभागीय अधिकारी श्री.जीवराज डापकर, नगराध्यक्षा सौ.ज्योतिताई बालाजी राठोड, सर्व सन्माननीय सदस्य, आरोग्य विभागाचे कर्मचारी, व्यापारी संघटनेचे प्रतिनिधी, पत्रकार बांधव, प्रतिष्ठित नागरिक व ईतर सर्व मान्यवर हे  दि.19 एप्रिल 2021 रोजी घेण्यात आलेल्या बैठकीत उपस्थित होते. सदर बैठकीत सर्वानुमते घेण्यात आलेल्या निर्णयाप्रमाणे दि.21 एप्रिल 2021 ते दि.30 एप्रिल 2021 पर्यंत फक्त दवाखाने व मेडिकल चालू राहतील. बाकी सर्व आस्थापना पुर्णतः बंद राहतील . तसेच या कालावधीत फक्त पाणी जार विक्रेते सकाळी 8 ते दुपारी 1 वाजेपर्यंत चालू राहतील. मेडिकल, दवाखाने, पाणी जार विक्रेते यांचे सर्व कर्मचारी यांनी कोरोना चाचणी करून आपला रिपोर्ट सोबत ठेवणे आवश्यक आहे. रिपोर्ट नसल्यास मेडिकल, दवाखाने, पाणी जार विक्रेते यांना आपली आस्थापना बंद ठेवावी लागेल. अनावश्यक कामासाठी कोणीही घराबाहेर दिसल्यास जागेवर कोरोना बाबत रॅपिड अँटीजन टेस्ट केली जाईल व positive अहवाल आल्यास तात्काळ covid care centre येथे Quarantine करण्यात येईल. सदरील आदेशाचे उल्लंघन केल्यास आपणाविरुद्ध योग्य ती कडक शासकीय कार्यवाही करण्यात येईल याची सर्व नागरिकांनी गांभीर्याने नोंद घ्यावी.