धर्माबाद (अहमद लड्डा) धर्माबादच्या ग्रामीण रुग्णालयात आज कोव्हीडच्या लसीकरणास प्रारंभ झाला असून या लसीकरणाचा शुभारंभ जिल्हा परिषदेच्या उपाध्यक्ष पद्मा रेड्डी सतपालवार व जिल्हा परिषद मांजरम गटाच्या सदस्य तथा आमदार राजेश पवार यांचे प्रतिनिधी म्हणून पुनमताई पवार यांच्या हस्ते संपन्न झाला. आज लसीकरणाच्या पहिल्या टप्प्यात संपूर्ण आरोग्य कर्मचारी, आशा वर्कर्स, तथा अंगणवाडी सेविका यांना कोव्हीडची लस देण्याचे ठरले. यानुसार आज तब्बल तीनशे कर्मचाऱ्यांनी नोंदणी केली होती. पण जवळपास 103 जणांचेच आज लसीकरण करण्यात आले. लसीकरण करताना ग्रामीण रुग्णालयाने नियमावलीची पूर्ण खबरदारी घेतली होती. सुरुवातीस नोंदनी, यानंतर वेटिंग हॉलमध्ये प्रतीक्षा करणे, व नंतर एका एका कर्मचाऱ्यानां लस देणे व लस दिल्यानंतर अर्धा तास विश्रांतीची व्यवस्था व त्यानंतर काही प्रतिकूल परिणाम झाले तर आपत्कालीन व्यवस्थाही तत्पर होती. यावेळी जिल्हा परिषद सदस्या पुनमताई पवार यांनी सर्व कर्मचाऱ्यांचे लसीकरणा संदर्भातले गैरसमज दूर करीत त्यांचे मनोधैर्य वाढविले. नांदेड जिल्ह्यात आतापर्यंत साडेसहा हजार पेक्षा जास्त जणांना कोव्हीडचीची लस देण्यात आली असून, या लसीचे कोणतेच प्रतिकूल परिणाम झालेले नाहीत असे सांगत आम्हाला जर ही लस अगोदर घ्यावयास सांगितले तर ती मी घेतली असती तुम्ही घाबरून जाऊ नका असा सल्ला त्यांनी दिला. या कार्यक्रमास जिल्हा परिषद उपाध्यक्ष पद्माताई सतपालवार, जिल्हा परिषद सदस्या पुनम ताई पवार, प्रभारी उपविभागीय दंडाधिकारी राजेंद्र खंदारे, तहसीलदार दत्तात्रय शिंदे, रुग्ण कल्याण समितीचे सदस्य रमेश गौड, पत्रकार संघटनेचे अध्यक्ष जी. पी. मिसाळे, पत्रकार संजय कदम, सुरेश घाळे, डोईवाड, सराफा असोसिएशनचे अध्यक्ष अंकित गोधा, यांच्यासह अनेक मान्यवर उपस्थित होते. यावेळेस ग्रामीण रुग्णालयाचे अधीक्षक डॉक्टर एकबालशेख, तालुका आरोग्य अधिकारी खंदारे, जारिकोट आरोग्य उपकेंद्राच्या वैद्यकीय अधिकारी सौ. शेख, आरोग्य विस्तार अधिकारी लोकावाड रेड्डी, ज्येष्ठ परिचारिका महामुनी, यांच्यासह आरोग्य विभागाचे सर्व कर्मचारी लसीकरणाचा कार्यक्रम यशस्वी करण्यास तत्पर होते.
COMMENTS