एनपीएस मागे घेऊन जुनी पेन्शन योजना लागू करावी - नांदेडभूषण प्रा. नितीन दारमोड

             धर्माबाद (अहमद लड्डा) - 2005 नंतर शासकीय,निमशासकीय सेवेत दाखल झालेल्या कर्मचाऱ्यांना जुनी पेन्शन योजना लागू नसून यासंदर्भात अने...

             धर्माबाद (अहमद लड्डा) - 2005 नंतर शासकीय,निमशासकीय सेवेत दाखल झालेल्या कर्मचाऱ्यांना जुनी पेन्शन योजना लागू नसून यासंदर्भात अनेक संघटना मार्फत वेळोवेळी मागणी करण्यात आली आहे. शासकीय सेवेत अनेक वर्षे सेवा बजावल्यानंतर पेन्शन मिळणे हा कर्मचाऱ्यांचा हक्क असून 2005 नंतरच्या कर्मचाऱ्यांना त्यांचा हक्क पेन्शन स्वरूपात मिळत नाही. सदरील सर्व कर्मचाऱ्यांना जुनी पेन्शन लागू करण्यात यावे अशी मागणी सामाजिक कार्यकर्ते नांदेडभूषण प्रा. नितीन दारमोड यांनी केली असून लवकरच यासंदर्भात मोठा लढा उभारणार असल्याचे त्यांनी बोलून दाखविले आहे. संवैधानिक मार्गाने लढा उभारून जुनी पेन्शन योजना लागू व्हावी म्हणून सर्व कर्मचारी वर्ग व संघटना सह प्रयत्न करण्याचेही त्यांनी नमूद केले आहे. लवकरच महाराष्ट्र राज्याचे शिक्षणमंत्री व सर्व शिक्षक आमदार यांना भेटून निवेदनाद्वारे विनंती पत्र देणार असल्याचे त्यांनी एका प्रसिद्धी पत्रकाद्वारे कळविले आहे.