धर्माबाद शहरात मोकाट जनावरांसहj कुत्र्यांचा हैदोस

( बंदोबस्ताची मागणी ) धर्माबाद (अहमद लड्डा)- येथील नगरपालिका कार्यकक्षेत येणाऱ्या धर्माबाद शहराच्या प्रमुख रस्त्यावर व विविध भागातील रस्त्यासहित बाळापुर व रत्नाळी मध्येही मोकाट जनावरांसह कुत्र्यांनी नुसता हैदोस घातला असून त्यामुळे नागरिकांत एक प्रकारचे भीतीचे वातावरण निर्माण झाले आहे. कोरोना ह्या जागतिक महामारीच्या पृष्ठभूमीवर लाकडावून कार्यकाळात रस्त्यावर शुकशुकाट असला तरी अतिशय महत्त्वाच्या कामासाठी नागरिकांची वर्दळ थोड्याफार प्रमाणात का होईना ही असतेच. अशा परिस्थितीत शहराच्या प्रमुख रस्त्यावर मात्र मोकाट जनावरांचे व कुत्र्यांच्या कळपाचे चित्र जागोजागी दिसत असून कुत्रे हे वाहन धारकांच्या अंगावर वसकन धावून जात आहेत. तर मोकाट जनावरांच्या जीवघेण्या टक्करीत मानवी जीविताची व संपत्तीची हानी होण्याचे प्रकार वाढत आहेत. उपरोक्त पृष्ठभूमीवर धर्माबाद शहरातील ही समस्या नगरपालिका प्रशासनाने तात्काळ सोडवावी अशी मागणी जनतेतून होत आहे.