अन्यायकारक इंधन दरवाढी विरोधात कॉंग्रेस अनु .जाती विभागाच्या वतीने उपविभागीय अधिकारी यांना निवेदन

0 0 संपादक धनराज भारती सोमवार, जून २९, २०२० Edit this post

अन्याय कारक इंधन दरवाढ माघे घ्या अन्यथा आंदोलन --दत्ता कांबळे

माजलगाव :(प्रतिनिधी) :भाजपा प्रणीत केंद्र सरकारने दैनंदिन जीवनात दळनवळण साठी अत्यावश्यक असणारे पेट्रोल व डिझेल यांच्या भावात विक्रमी दरवाढ केल्यामुळे सामान्य माणसाचे कंबरडे मोडले आहे .तसेच समाजातील शेतकरी व कष्टकरी यांना या जाचक इंधन दरवाढीचा फटका मोठ्या प्रमाणात बसत आहे .तसेच इंधन दरवाढीमुळे महागाई आणखीनच जास्त वाढली आहे .अश्या आशयाचे निवेदन आज माजलगाव उपविभागीय अधिकारी यांना कॉंग्रेस कमिटी अनु .जाती विभागाचे जिल्हा कार्याध्यक्ष दत्ता कांबळे यांच्या नेतृत्वात जिल्हा कॉंग्रेस कमिटी अनु .जाती विभागाच्या वतीने जिल्हा प्रशासनाने कोविड १९ च्या अनुशंगाने घालून दिलेल्या निर्बंधाचे पालन करून निवेदन देण्यात आले आहे .

तसेच या केंद्र सरकार च्या जाचक धोरणावर फेरविचार करून माननीय राष्ट्रपती मोहोदयांनी इंधन दरवाढीचा निर्णय तत्काळ माघे घ्यावा अशाप्रकारची विनंती सदरील निवेदनाद्वारे राष्ट्रपती यांना केली आहे ..जर या केंद्र सरकारच्या इंधन दरवाढीच्या जाचक धोरणा विरोधात केंद्र सरकारने फेरविचार करून तत्काळ इंधन दरवाढ माघे घेतली नाही तर यापुढे कॉंग्रेस कमिटी अनु . जाती विभागाच्या वतीने केंद्र सरकारच्या विरोधात तीव्र आंदोलन करण्यात येईल याची नोंद घेण्यात यावी , असा इशारा सदरील निवेदनाद्वारे कॉंग्रेस कमिटी अनु .जाती .विभागाचे जिल्हा कार्याध्यक्ष दत्ता कांबळे यांनी दिलेल्या प्रसिद्धी पत्रकाद्वारे दिला आहे .यावेळी सोबत कॉंग्रेस कमिटी अनु .जाती विभागाचे रमेश जाधव , अनंत घडसिंगे , सुधाकर कांबळे , प्रकाश कसबे सह कार्यकर्ते उपस्थित होते .

-------------------------------------------