नांदेडच्या नोंदणी कार्यालयांमधील अनधिकृत दलालांविरोधात कारवाईची मागणी; महसूलमंत्री चंद्रशेखर बावनकुळे यांची आश्वासन

नांदेड : नांदेड जिल्ह्यातील दुय्यम निबंधक (रजिस्ट्री) कार्यालयांच्या परिसरात कथितरित्या सक्रिय असलेल्या अनधिकृत दलालांविरोधात कारवाई करण्याच...

नांदेड : नांदेड जिल्ह्यातील दुय्यम निबंधक (रजिस्ट्री) कार्यालयांच्या परिसरात कथितरित्या सक्रिय असलेल्या अनधिकृत दलालांविरोधात कारवाई करण्याची मागणी जोर धरू लागली आहे. नागरिकांना रजिस्ट्री तसेच इतर शासकीय कामांसाठी दलालांवर अवलंबून राहावे लागत असल्याच्या तक्रारीनंतर हा मुद्दा राज्य सरकारसमोर मांडण्यात आला आहे.
या संदर्भात महाराष्ट्राचे महसूलमंत्री चंद्रशेखर बावनकुळे यांना निवेदन साद करण्यात आले. निवेदनात म्हटले आहे की, रजिस्ट्री कार्यालयांच्या परिसरातील अनधिकृत दलालांच्या कथित कारवायांमुळे सर्वसामान्य नागरिकांना विविध अडचणींचा सामना करावा लागत आहे. नागरिकांना पारदर्शक, सुलभ आणि नियमानुसार शासकीय सेवा उपलब्ध करून देण्याची मागणी निवेदनातून करण्यात आली आहे.
निवेदनात नमूद करण्यात आले आहे की, या प्रकरणी 11 ऑगस्ट 2026 रोजी संबंधित अधिकाऱ्यांकडेही लेखी तक्रार देण्यात आली होती. अनधिकृत दलालांच्या कारवाया तातडीने थांबवाव्यात, नागरिकांसाठी स्वतंत्र हेल्प डेस्क सुरू करावा, कार्यालयांच्या परिसरातील सीसीटीव्ही कॅमेऱ्यांच्या फुटेजची तपासणी करावी तसेच नागरिकांची कथित आर्थिक फसवणूक किंवा बेकायदेशीर पद्धतीने काम करून देणाऱ्या व्यक्तींविरोधात कारवाई करावी, अशी मागणी करण्यात आली होती.
तक्रारदाराच्या म्हणण्यानुसार, 28 सप्टेंबर 2026 पर्यंत या प्रकरणात कोणतीही ठोस कारवाई झाल्याचे दिसून आले नाही. त्यामुळे रजिस्ट्री कार्यालयांच्या परिसरात अनधिकृत दलालांच्या कथित हालचाली सुरू असल्याची तक्रार करण्यात आली आहे.
निवेदनात नांदेड जिल्ह्यातील सर्व संबंधित दुय्यम निबंधक कार्यालयांची तातडीने तपासणी, अनधिकृत दलालांविरोधात कारवाई तसेच सीसीटीव्ही फुटेजची तपासणी करण्याची मागणी करण्यात आली आहे.
महसूलमंत्री चंद्रशेखर बावनकुळे यांनी या प्रकरणाची गंभीर दखल घेत, आवश्यक चौकशी करून योग्य ती कारवाई करण्याचे आश्वासन दिले आहे. या आश्वासनानंतर आता महसूल विभागाकडून पुढील कोणती कारवाई केली जाते, याकडे नागरिकांचे लक्ष लागले आहे.