अमरभाऊ राजूरकर हे सलग तिसऱ्यांदा विधानपरिषदेत आमदार म्हणून निवडून आल्याबद्दल (हॅटट्रिक) यावेळी शिष्टमंडळाच्या वतीने त्यांचा भव्य सत्कार करण्यात आला आणि पुढील वाटचालीस शुभेच्छा देण्यात आल्या.
यावेळी राज्य कार्याध्यक्ष बालाजी पवार यांनी आठवण करून दिली की की, "आदरणीय माजी मुख्यमंत्री तथा खासदार अशोकराव चव्हाण यांच्या मार्गदर्शनाखाली अमरभाऊंनी विशेष लक्ष घालून तत्कालीन महापौर सौ मोहिनी विजय येवणकर नांदेडमध्ये वृत्तपत्र विक्रेत्यांसाठी 'सेंटर शेड'ची महत्त्वाची मागणी पूर्ण केली होती. आता राज्यातील लाखो वृत्तपत्र विक्रेत्यांच्या दृष्टीने अत्यंत महत्त्वाचा असणारा 'कल्याणकारी महामंडळ कार्यान्वित करण्याचा' प्रश्न आगामी विधानपरिषद अधिवेशनात उपस्थित करून सरकारकडे आग्रही मागणी करावी." अशी विनंती बालाजी पवार यांनी केली. याप्रसंगी भाजपाचे पदाधिकारी विजय येवणकर, माजी नगरसेवक संदीप सोनकांबळे, जिल्हा वृत्तपत्र वितरक विकास मंडळाचे जिल्हाध्यक्ष चंद्रकांत घाटोळ यांची प्रमुख उपस्थिती होती.
शिष्टमंडळाची मागणी आणि भावना जाणून घेतल्यानंतर आमदार अमरभाऊ राजूरकर म्हणाले की, "हा प्रश्न माझ्या पूर्णपणे माहितीचा असून वृत्तपत्र विक्रेत्यांच्या अडचणी सोडवण्यासाठी मी नेहमीच तत्पर आहे. वृत्तपत्र विक्रेता कल्याणकारी महामंडळाच्या अंमलबजावणीसाठी आणि विक्रेत्यांच्या इतर सर्व न्याय्य हक्कांसाठी मी शासनाकडे निश्चितपणे पाठपुरावा करेन आणि हा प्रश्न मार्गी लावण्यासाठी माझे सर्वतोपरी प्रयत्न राहतील."
यावेळी नांदेड जिल्हा वृत्तपत्र वितरक विकास मंडळाचे अध्यक्ष चंद्रकांत घाटोळ, सचिव गणेश वडगावकर, कोषाध्यक्ष बाबू जल्देवार, सदस्य सत्यनारायण देवरकोंडा, अनिल मेडेवार, संजय गोणे, गणेश राऊतराव, विजय कठारे, साईनाथ पस्सलवाड, शंकर जोशी,गंगाधर सदावर्ते आणि साईनाथ हंगरगे यांच्यासह जिल्ह्यातील वृत्तपत्र विक्रेते व पदाधिकारी मोठ्या संख्येने उपस्थित होते.
COMMENTS