अर्धापूर येथे कार आणि मोटारसायकलचा भीषण अपघात; दोघे गंभीर जखमी, कारचालक पसार

  ​नांदेड (विशेष बातमी): नांदेड-भोकर महामार्गावरील भोकर फाट्या जवळ कार आणि मोटारसायकलची समोरासमोर जोरदार धडक होऊन झालेल्या भीषण अपघातात दोन ...

 

​नांदेड (विशेष बातमी):

नांदेड-भोकर महामार्गावरील भोकर फाट्या जवळ कार आणि मोटारसायकलची समोरासमोर जोरदार धडक होऊन झालेल्या भीषण अपघातात दोन मजूर गंभीर जखमी झाले आहेत. हा अपघात काल, दिनांक २० जुलै रोजी सायंकाळी ६:२५ वाजेच्या सुमारास घडला.

​मिळालेल्या माहितीनुसार, राजस्थान येथील रहिवासी व सध्या अर्धापूर येथे मजुरीचे काम करणारे साहेद खान जमील खान (वय ३५) आणि शाहेद खान आयुब खान (वय ३०) हे दोघे आपल्या मोटारसायकलने (क्र. RJ 14 ZK 5047) जात असताना समोरून येणाऱ्या कारने (क्र. MH 48 CA 0617) त्यांच्या वाहनाला जोरदार धडक दिली. धडक दिल्यानंतर कारचालक घटनास्थळावरून गाडीसह पसार झाला.

​अपघाताची माहिती मिळताच अर्धापूर पोलीस ठाण्याचे अंमलदार हवालदार फारुकी आणि सेवक शिनगारे यांनी अवघ्या पाच मिनिटांत (सायंकाळी ६:३० वाजता) घटनास्थळी धाव घेतली.

​पोलीस आणि स्थानिक नागरिकांची तत्परता

पोलीस कर्मचाऱ्यांनी स्थानिक नागरिकांच्या मदतीने दोन्ही गंभीर जखमींना तातडीने अर्धापूर येथील शासकीय रुग्णालयात उपचारासाठी दाखल केले. अपघातामुळे महामार्गावरील खोळंबलेली वाहतूक पोलिसांनी सुरळीत केली असून, सध्या घटनास्थळी व परिसरात शांतता आहे.

​या घटनेचा पुढील तपास पोलीस उपनिरीक्षक (PSI) जरार आणि अर्धापूर पोलीस करत असून पसार झालेल्या कारचालकाचा शोध सुरू आहे.