माहूर (प्रतिनिधी)सामाजिक चळवळीत अग्रेसर असलेल्या भीम टायगर सेनेचे संस्थापक अध्यक्ष दादासाहेब शेळके यांच्यासह पदाधिकाऱ्यांनी नुकतीच माहूर शहराला सदिच्छा भेट दिली. या प्रसंगी माहूर नगरपंचायतीच्या वतीने कर्तव्यकठोर नगराध्यक्ष फिरोज भय्या दोसाणी यांनी सर्व मान्यवरांचा शाल, श्रीफळ आणि भारतीय संविधानाची प्रत देऊन गौरवपूर्ण सत्कार केला.यावेळी भीम टायगर सेनेचे संस्थापक अध्यक्ष दादासाहेब शेळके यांच्यासह मुंबई येथील सामाजिक कार्यकर्ते राजूभाऊ घाटे, मनोहरभाऊ कांबळे आणि बंटीभाऊ कांबळे यांची प्रमुख उपस्थिती होती. या नेत्यांचे माहूर शहरात आगमन होताच त्यांचे उत्साहात स्वागत करण्यात आले.नगराध्यक्ष फिरोज दोसाणी यांनी पाहुण्यांचे स्वागत करताना त्यांना भारतीय संविधानाची प्रत भेट दिली. "संविधान हे आपल्या देशाचा आत्मा असून, सामाजिक कार्याची ऊर्जा संविधानातूनच मिळते," अशा भावना यावेळी व्यक्त करण्यात आल्या. केवळ पुष्पगुच्छ न देता विचारांची शिदोरी (संविधान) देऊन करण्यात आलेल्या या सत्काराचे उपस्थितांनी कौतुक केले.यावेळी नगरसेविका प्रतिनीधी आकाश कांबळे, पत्रकार रफिक भाई , सामजिक कार्यकर्ते सुनील आडे यांच्यासह अनेकांची उपस्थिती होती.
COMMENTS