गणेश नगरमध्ये पंचमुखी हनुमान जन्मोत्सव उत्साहात; सुंदरकांड पठणाने अवघी नगरी झाली भक्तिमय

नांदेड: भक्ती, सेवा आणि सामूहिक श्रद्धेचा संगम असलेल्या गणेश नगर येथील पंचमुखी हनुमान मंदिरात हनुमान जयंतीचा सोहळा अत्यंत मंगलमयी वातावरणात ...

नांदेड: भक्ती, सेवा आणि सामूहिक श्रद्धेचा संगम असलेल्या गणेश नगर येथील पंचमुखी हनुमान मंदिरात हनुमान जयंतीचा सोहळा अत्यंत मंगलमयी वातावरणात संपन्न झाला. श्री पंचमुखी हनुमानाच्या चरणी नतमस्तक होत भाविकांनी या सोहळ्यात मोठ्या संख्येने सहभाग नोंदवला.

धार्मिक विधी आणि विलोभनीय सजावट

जन्मोत्सवाच्या निमित्ताने सकाळी मंदिरात पंचमुखी हनुमानाचा अभिषेक व विधिवत पूजन करण्यात आले. या खास प्रसंगी मूर्तीला अत्यंत आकर्षक पवित्र वस्त्रे, सुवर्ण अलंकार आणि रंगीबेरंगी फुलांनी सजविण्यात आले होते. संपूर्ण मंदिर परिसर विद्युत रोषणाईने उजळून निघाला होता.

महिला मंडळाचे सुरेल सुंदरकांड
या सोहळ्याचे मुख्य आकर्षण म्हणजे महिला मंडळाने सादर केलेले भावपूर्ण सुंदरकांड पठण. यामध्ये सौ. वंदना गंभीरे, सौ. माहेश्वरी कौडगे, सौ. ज्योती कुंडगुलवार, सौ. स्वाती अडकिने, सौ. शकुंतला मानधने, सौ. भुतडा, सौ. अनुराधा भाकरे, सौ. अनुराधा पांडे, सौ. देशमुख, सौ. मोनाली पाटील, सौ. हेमा सारडा व सौ. ऊर्मिला सोनी यांचा सहभाग होता. त्यांच्या भक्तीमय सादरीकरणामुळे वातावरण चैतन्यमय झाले होते. सुंदरकांड सादर करणाऱ्या या सर्व महिलांचा सौ. मिना सामते यांच्या हस्ते विशेष सत्कार करण्यात आला.
महाप्रसाद आणि आयोजक
हनुमान जयंतीनिमित्त दरवर्षीप्रमाणे यंदाही भाविकांसाठी महाप्रसादाचे वाटप करण्यात आले. या भव्य सोहळ्याचे यशस्वी आयोजन मंदिराचे अध्यक्ष विजय गंभीरे, उपाध्यक्ष भारत पाटील, सचिव जयेंद्र पाटील, सहसचिव अजय अडकिने, महेंद्र कुंडगुलवार, मिलिंद कुलकर्णी आणि बालाजी गाडेगावकर यांनी केले होते.

 क्षणसाक्षी छायाचित्रकार: विजय होकर्णे, नांदेड