ऑटोचालकांचा सन्मान; नरेंद्र–देवेंद्र महोत्सवात दोन होम थिएटरची भेट

नांदेड : ऊन, पाऊस, थंडी यांची तमा न बाळगता अहोरात्र कष्ट करणाऱ्या ऑटोचालकांचा सन्मान करण्यासाठी “कुबेरनगरी मौजे लोंढेसांगवी प्रस्तुत नरेंद्र...

नांदेड : ऊन, पाऊस, थंडी यांची तमा न बाळगता अहोरात्र कष्ट करणाऱ्या ऑटोचालकांचा सन्मान करण्यासाठी “कुबेरनगरी मौजे लोंढेसांगवी प्रस्तुत नरेंद्र–देवेंद्र महोत्सव २०२६” या भव्य आणि जगावेगळ्या कार्यक्रमात भाजपा कामगार आघाडी जिल्हाध्यक्ष सुरेश लोट यांच्या तर्फे दोन होम थिएटर म्युझिक सिस्टीम भेट देण्यात येणार असल्याची माहिती स्वागताध्यक्ष शिवप्रसाद राठी व महोत्सवाचे संयोजक धर्मभूषण ॲड. दिलीप ठाकूर यांनी दिली.

नरेंद्र–देवेंद्र महोत्सवाच्या प्रचारासाठी गेल्या पंधरा दिवसांपासून अनेक ऑटोचालक अहोरात्र परिश्रम घेत आहेत. शहरातील विविध भागांत फिरताना त्यांच्या ऑटोवर लावलेल्या फलकांमुळे आणि घोषणांमुळे महोत्सवाचा संदेश प्रत्येक गल्लीबोळापर्यंत पोहोचत आहे. आज नांदेड शहरातील हे ऑटो जणू महोत्सवाचे “चालते-बोलते प्रसिद्धी केंद्र” बनले असून, या ऑटोचालकांच्या उत्स्फूर्त सहभागामुळे महोत्सवाबद्दल जनतेत प्रचंड उत्सुकता निर्माण झाली आहे. याशिवाय नोव्हेंबरमध्ये आयोजित करण्यात येणाऱ्या शिव महापुराण कथा साठी इच्छुक ऑटोचालकांची नोंदणी राजेशसिंह ठाकूर यांच्याकडे सुरू असल्याचे आयोजकांनी सांगितले.

कै. चंद्रभागा केरबा गंजेवार नगरी, नवा मोंढा मैदान, नांदेड येथे हा भव्य महोत्सव रंगणार आहे.महोत्सवाच्या पहिल्या दिवशी २१ फेब्रुवारी रोजी चौदावा मराठी हास्य दरबार आयोजित करण्यात आला आहे. या हास्य दरबारात स्टँडअप कॉमेडीचे बादशहा बंडा जोशी, झी हास्य सम्राट मधील लोकप्रिय कलाकार सिद्धार्थ खिल्लारे तसेच शाहीर रमेश गिरी हे आपल्या विनोदी शैलीतून रसिकांचे भरभरून मनोरंजन करणार आहेत.

तसेच चला हवा येऊ दे फेम सतीश कासेवार यांचा खास महिलांसाठी “होम मिनिस्टर – खेळ पैठणीचा” हा विशेष कार्यक्रम आयोजित करण्यात आला आहे. या कार्यक्रमात २५ पैठणी व ऑरगंज्या साडया महिलांना मोफत देण्यात येणार आहेत.

पहिल्या दिवशी रमेश पारसेवार, ॲड. गजानन पिंपरखेडे, रत्नाकर वाघमारे व गंगाप्रसाद तोष्णीवाल यांना “नांदेड भूषण” पुरस्कार देऊन गौरविण्यात येणार आहे. तसेच “सुधाकर पत्रभूषण” पुरस्काराने पन्नालाल शर्मा, अभय कुळकजाईकर, चारुदत्त चौधरी, संतोष पांडागळे व रामेश्वर काकडे यांचा सन्मान करण्यात येणार आहे.

दुसऱ्या दिवशी २२ फेब्रुवारी रोजी चोवीसावे अखिल भारतीय विराट कविसंमेलन पार पडणार आहे. या कविसंमेलनात मेरठ (उ.प्र.) येथील हास्य संचालक व क्रांती कवी सौरभ जैन सुमन, जबलपूर (म.प्र.) येथील हास्य गीतकार सुदीप भोला, भिलवाडा (राजस्थान) येथील व्यंग्य कवी दीपक पारेख, मैनपुरी (उ.प्र.) येथील वीर रस कवी डॉ. मनोज चौहान, सुरत (गुजरात) येथील शृंगार रस कवयित्री सोनल जैन तसेच दिल्लीच्या वीर रस कवयित्री नेहा शर्मा ‘नमन’ यांचा सहभाग असणार आहे.याच कार्यक्रमात माजी मुख्यमंत्री अशोकराव चव्हाण यांना “नांदेड भूषण” पुरस्काराने सन्मानित करण्यात येणार आहे.

महोत्सवाच्या प्रत्येक दिवशी सायंकाळी ठीक पाच वाजता उपस्थित रसिकांमधून सोडतीद्वारे दररोज पाच कलर टीव्ही, असे एकूण दहा कलर टीव्ही वितरित करण्यात येणार आहेत. या सोडतीमध्ये पत्रकारांनाही सहभागी करून घेण्यात येणार आहे.रसिकांनी कार्यक्रम सुरू होण्यापूर्वी प्रवेशद्वारावर स्वयंसेवकांकडून शिक्का मारूनच मैदानात प्रवेश करावा, असे आवाहन आयोजन समितीच्या वतीने करण्यात आले आहे.नरेंद्र–देवेंद्र महोत्सव २०२६ हा नांदेडकरांसाठी केवळ मनोरंजनाचा नव्हे, तर सामाजिक बांधिलकी जपणारा आणि विविध क्षेत्रातील कर्तृत्ववानांचा गौरव करणारा बहुआयामी सोहळा ठरणार असल्याचा विश्वास आयोजकांनी व्यक्त केला आहे.

-----------

1.

2. प्रचारात आघाडीवर असलेल्या ऑटोचालकांना होम थिएटरचा मानाचा बहुमान

3. “चालते-बोलते प्रसिद्धी केंद्र” ठरलेल्या ऑटोना महोत्सवात होम थिएटर भेट

4. ऑटोचालकांच्या परिश्रमांना सलाम; महोत्सवात दोन होम थिएटर देणार

5. नरेंद्र–देवेंद्र महोत्सव २०२६ : ऑटोचालकांसाठी खास होम थिएटर सन्मान

6. ऑटो प्रचारकांचा गौरव; दोन होम थिएटरने होणार सन्मान

7. शहरभर फिरणाऱ्या ऑटोना होम थिएटरची अनोखी भेट

8. ऑटोचालकांच्या उत्स्फूर्त सहभागाला दाद; महोत्सवात होम थिएटर प्रदान

9. नांदेडमध्ये अनोखा उपक्रम; ऑटोचालकांना होम थिएटर भेट

10. ऑटो ते होम थिएटर; नरेंद्र–देवेंद्र महोत्सवात कष्टकऱ्यांचा गौरव