ब्रिटिशांच्या काळात ९ मे १८९७. रोजी मोहम्मद इब्राहिम सारंग यांनी जहाजावरील नाविक कामगारांना संघटित करून त्यांच्या न्याय हक्कासाठी नॅशनल युनियन ऑफ सिफेरर्स ऑफ इंडिया या संघटनेची स्थापना केली. गेली १२८ वर्ष या कामगार संघटनेची यशस्वी वाटचाल सुरू आहे. या वाटचालीत मोहम्मद इब्राहिम सारंग, लिओ बार्न्स, अब्दुल गनी सारंग यासारख्या लोकप्रिय कामगार नेत्यांनी या संघटनेचे दीर्घकाळ नेतृत्व केले. या संघटनेचा दरवर्षीप्रमाणे ९ मे हा " फाउंडेशन डे" मस्जिद बंदर येथील सिमेन्स हॉस्टेल या ठिकाणी नुसी संघटनेचे नवनिर्वाचित अध्यक्ष प्रेमानंद साळगावकर यांच्या अध्यक्षतेखाली संपन्न झाला.
याप्रसंगी प्रमुख पाहुण्या भारतीय चित्रपट व दूरदर्शन कलाकार सई ताम्हणकर यांनी आपल्या मार्गदर्शनपर भाषणात सांगितले की, माझे वडील मर्चंट नेव्हीमध्ये होते. आज मी माझे भाग्य समजते की, मला या कार्यक्रमासाठी आपण बोलावले. त्यामुळे अनेक आठवणींना उजाळा मिळाला. माझ्या वडिलांना समुद्र लाटांची सवय होती. त्यांना लाटांच्या आवाजाशिवाय झोप येत नव्हती. त्यामुळे आम्ही समुद्रामार्गे गोवा व कोकणात फिरायला जात होतो. न्यूसीचे कार्य नाविकांसाठी व कुटुंबासाठी कौतुकास्पद आहे. त्यांच्यासाठी अनेक कामगार कल्याणकारी योजना राबविल्या जातात. हे खरोखर अभिमानास्पद आहे. आपल्या या चांगल्या कार्याला माझ्या शुभेच्छा.
प्रेमानंद साळगावकर यांनी आपल्या अध्यक्षिय भाषणात सांगितले की, मोहंम्मद अब्राहमं सारंग यांनी ही संघटना ब्रिटिश काळात स्थापन केली. मोहम्मद इब्राहिम सारंग यांनी नाविक कामगारांची एकजूट करून त्यांना पगारवाढ व अनेक कामगार कल्याणकारी योजना मिळवून दिल्या. यापूर्वी झालेल्या युद्धामध्ये सहा हजार नाविक कामगारांना वीरमरण आले. युद्धाच्या काळात आपण सुरक्षित राहून देशासाठी कार्य केलं पाहिजे.
नुसीचे जनरल सेक्रेटरी मिलिंद कांदळगावकर यांनी आपल्या मार्गदर्शनपर भाषणात सांगितले की, सई ताम्हणकर या सिफेरर्स कामगाराच्या मुलगी आहे. याचा आम्हाला अभिमान आहे. भारतीय व परदेशीय जहाजावरील नाविक कामगारांचा कोणताही संप न करता व मनुष्यबळ वाया न घालविता पगारवाढीचे चांगले करार करून कामगारांना सर्वांच्या सहकार्याने पगारवाढ मिळवून दिली आहे. नाविक कामगार व त्यांच्या कुटुंबासाठी संघटनेमार्फत अनेक कामगार कल्याणकारी योजना राबविल्या जातात. त्याचा कामगारांनी व त्यांच्या कुटुंबियांनी फायदा घ्यावा.
याप्रसंगी मेरीटाईम असोसिएशन ऑफ शिपओनर्स अँड शिपमॅनेजमेंटचे संचालक कॅप्टन हळबे, कॅप्टन राजेश टंडन ,इंडियन नॅशनल शिप ओनर्स सोसिएशनचे (INSA ) सल्लागार चिता दास, आयसीसी शिपिंग असोसिएशनचे सचिव राकेश सिंग , मेरीटाईम युनियन ऑफ इंडियाचे ( MUI ) जनरल सेक्रेटरी कॅप्टन तुषार प्रधान इत्यादी मान्यवरानी मार्गदर्शनपर भाषणे केली. सभेचे सूत्रसंचालन युनियनचे असिस्टंट जनरल सेक्रेटरी सुनील नायर यांनी सुंदर केले. याप्रसंगी व्यासपीठावर नुसीचे पदाधिकारी लुईस गोम्स, सुरेश सोलंकी आदी मान्यवर उपस्थित होते. सभेला नाविक कामगार व त्यांचे कुटुंबिय मोठ्या संख्येने उपस्थित होते.
आपला
मारुती विश्वासराव
addComments
टिप्पणी पोस्ट करा