बोलेरो पिकपची स्कुल व्हॅनला धडक अनेक जण गंभीर जखमी

अर्धापूर प्रतीनिधी: दि.८ फेब्रुवारी रोजी अर्धापूर तामसा रोडवर बोलेरो पिकप ची स्कूल व्हॅनला जोरदार धडक बसली. भरधाव वेगात येणाऱ्या लोडिंग बोलेरो पिकप क्र.एम.एच ४० सी.एम ८२६५ ची शाळेतील विद्यार्थी लोण मार्गे घेऊन जाणाऱ्या व्हॅनला क्र.एम.एच २६ बी.ई ०७८७ ला जोरदार धडक बसली. घटनेची माहिती मिळताच घटनास्थळी नरेंद्रचार्य रुग्णवाहिका चालक राजू पाचंगे,१०८ चे डॉक्टर आनंद शिंदे मारोती गिरी, १०२ चे संतोष कांबळे यांनी धाव घेतली. यात चालक मनोज चंद्रकांत रणवीर वय २९ रा. लहान ता.अर्धापूर हे गंभीर जखमी झाली असून त्यांची प्रकृती चिंताजनक आहे. तर अन्य अकरा विद्यार्थी यांना ग्रामीण रुग्णालय अर्धापूर येथे दाखल केले. यात विद्यार्थी युवराज अमोल बारसे, संजय जगदीश पहाडे, समर्थ अमोल जाधव, गौरव गजानन वाघमारे, प्राची प्रसाद भोजे, सिद्धीका आनंद भुस्से, मयूर मारोती क्षिरसागर, विशाल वीरभद्र भुस्से, युवराज अवधूत शिंदे, वैष्णवी गजानन भोकरे, सदाशिव गणेश क्षीरसागर जखमी झाले. तर काही किरकोळ जखमी झाले आहेत.

जखमीवर ग्रामीण रुग्णालय अर्धापूर येथे उपचार करण्यात आला व गंभीर जखमींना नांदेड येथील शासकीय रुग्णालयात पुढील उपचारासाठी नांदेड येथे रुग्णवाहिकेतून पुढील उपचारासाठी नेले. यावेळी अधिक्षक विद्या झिने, डॉ. महम्मद शाहीन, डॉ.युवराज दाढाळे सह खाजगी डॉक्टरही यावेळी मदतीला धावले होते.