मुंबई : थोर समाजसुधारक, डॉ. बाबासाहेब आंबेडकर यांचे विश्वासू सहकारी, देवदासी प्रथा बंद करण्यासाठी, : सार्वजनिक ठिकाण, पाणवठे सर्वांसाठी खुले करण्याबाबत अनेक समाज सुधारणणेचे कायदे बनविणारे तसेच कोकण रेल्वेसाठी प्रथम प्रस्ताव मांडणारे भंडारी समाजाचे मानबिंदू लोकहितवादी रावबहाद्दूर सी . के. बोले यांची २९ जून रोजी १५६ वी जयंती तसेच राजर्षी छत्रपती शाहू महाराज यांच्या जयंती निमित्ताने कला, सामाजिक कार्य, विज्ञान, उद्योग, वैद्यक, साहित्य, शिक्षण, पर्यावरण, क्रीडा, नागरिक सेवा, पत्रकारीता इत्यादी क्षेत्रातील उल्लेखनीय कार्याबद्दल समाजभूषण पुरस्कार सोहळा भंडारी मंडळ हॉल, दुसरा माळा, हेटकरी महाजनवाडी, प्र. ल. काळे गुरुजी मार्ग, दादर (पश्चिम) मुंबई : २८ येथे दिनांक २९ जून २०२४ रोजी संपन्न झाला. सर्व समाज ओबीसी आघाडी व भंडारी मंडळ ,दादर यांच्या समन्वयातून हा कार्यक्रम हजार पाडला . यावेळीउपस्थितांचे स्वागत भंडारी मंडळाचे अध्यक्ष गुरुनाथ मिठबावकर यांनी केले.
या कार्यक्रमाचे प्रमुख पाहुणे जेष्ठ पत्रकार ,लेखक ज्ञानेश महाराव व सुप्रसिद्ध सिने- नाट्य अभिनेते अजय फणसेकर उपस्थित होते .
यावेळी केलेल्या भाषणात ज्ञानेश महाराव यांनी समाजात वाढणारी धार्मिक कट्टरता त्या आडून वाढणारा पुरोहितवाद मग तो कुठल्याही पंथाचा धर्माचा असो त्याला विरोध करणं म्हणजे लोकहितवादी रावबहादूर बोले यांच्या कार्याचा गौरव करणे होय, बोले यांची वैचारिक बैठक पक्की होती.त्या विचारांचे आपण पाईक होण हे गरजेचं आहे. म्हणूनच स्वातंत्र्यपूर्व काळात त्यावेळच्या मुंबई प्रांतातील विधीमंडळात पहिले ओबीसी आमदार म्हणून जे कायदे त्यांनी पास करवून घेतलेत ते भविष्यात सणाजसुधारणेचा पाया घालणारे ठरलेत .
यावेळी समाजातील विविध क्षेत्रातील यशस्वी, सेवाभावी मान्यवरांचा *लोकहितवादी रावबहाद्दूर सी. के. बोले समाजभूषण २०२४* नावे पुरस्कार देऊन सन्मानित करण्यात आला यात
प्रभाकर वाईकर (व्यंगचित्रकारीता)
प्रेमरत्न चौकेकर. (पत्राकारीता)
समाजरत्न पुरस्कार :- सत्यवान रेडकर (शैक्षणिक क्षेत्र)
कोकणरत्न पुरस्कार - सत्यजित चव्हाण (पर्यावरण)
कलाभूषण पुरस्कार - प्रसिद्ध सिने नाट्य अभिनेते. श्री. अजय फणसेकर. (कला क्षेत्र)
समाजभुषण पुरस्कार :- जय साटेलकर( वैद्यक)
सुनिल रामराव शेळके (चित्रपट)
अमोल मडामे (व्यसन मुक्ती)
उद्योगरत्न - अनिल काशिराम मिठबावकर
भरत निचिते ओबीसी योद्धा पुरस्कार
समीर वर्तक - पर्यावरण रक्षक पुरस्कार
मोहम्मद अयुब हनीफ कुरेशी ओबीसीरत्न
चंद्रकांत बी. जगताप-सहकार भुषण
श्रीम . डॉ.अलका नाईक - साहित्यरत्न पुरस्कार
निसार अली व सिंकदर सय्यद झुंझार पत्रकार
मा. श्री. शंकर लोके -जीवनगौरव पुरस्कार २०२४ या मान्यवरांना गौरविण्यात आले.
सर्व समाज ओबीसी आघाडी व उपस्थित मान्यवरांचे आभार मंडळाचे विश्वस्त शंकर नाना हळदणकर व किरण मांजरेकर यांनी केले तर कार्यक्रमाचे सूत्रसंचालन कु. तेजस्विनी मुड्ये यांनी केले.
addComments
टिप्पणी पोस्ट करा