नागपूर येथे हिंद मजदूर सभेचे ३४ वे राष्ट्रीय अधिवेशन

सरकार, मालक व राजकीय पक्षापासून अलिप्त आणि लोकशाही मार्गे प्रजातंत्र पद्धतीने कामगार हितासाठी काम करीत असलेल्या हिंद मजदूर सभा या केंद्रीय क...

सरकार, मालक व राजकीय पक्षापासून अलिप्त आणि लोकशाही मार्गे प्रजातंत्र पद्धतीने कामगार हितासाठी काम करीत असलेल्या हिंद मजदूर सभा या केंद्रीय कामगार संघटनेचे ३४ वे राष्ट्रीय अधिवेशन ३ ते ५ जानेवारी २०२४ रोजी नागपूर येथील आमदार भवन प्रांगणात होत आहे. या अधिवेशनाला हिंद मजदूर सभेचे अध्यक्ष राजा श्रीधर, महासचिव हरभजन सिंग सिद्धू, कामगार नेते शिवगोपाल मिश्रा, संजय वढावकर, जे.आर.भोसले, वेणू नायर ,राजेंद्र सिंग, उमाशंकर मिश्रा, एस. डी. त्यागी, सुधाकर अपराज, मिलिंद कांदळगावकर डॉ.तुषार प्रधान, मुकेश गालव, चंपा वर्मा, विद्याधर राणे आदी कामगार नेते व आंतरराष्ट्रीय कामगार नेते उपस्थित असून मार्गदर्शन करणार आहेत. या अधिवेशनात जानेवारी २००४ पासून भरती झालेल्या कामगारांना जुनी पेन्शन योजना लागू करणे व चार लेबर कोर्ट रद्द करणे या व इतर महत्त्वाच्या मागण्यांबाबत कामगार प्रतिनिधी मध्ये चर्चा होऊन पुढील आंदोलनाची दिशा ठरविली जाईल. अधिवेशनासाठी देशातील विविध राज्यातील हिंद मजदूर सभेची संलग्न असलेल्या कामगार संघटनांचे दोन हजार कामगार प्रतिनिधी उपस्थित आहेत. हिंद मजदूर सभा अधिक मजबूत करण्यासाठी नागपूर आमदार निवास प्रांगणात युवक व महिलांचे देखील संम्मेलन घेण्यात आले. या अधिवेशनाला आय. एल. ओ., आय. टी. एफ., आय. टी. यु. सी. इत्यादी आंतरराष्ट्रीय कामगार संघटनांचे प्रतिनिधी उपस्थित असून देशातील सीटू, आयटक, इंटक इत्यादी केंद्रीय कामगार संघटनांचे प्रतिनिधी उपस्थित आहेत. असे कामगारांचे प्रतिनिधी मारुती विश्वासराव कळवित आहेत.