नांदेड: विष्णूपुरी, नांदेड येथील श्री गुरू गोविंदसिंघजी अभियांत्रिकी व तंत्रशास्त्र संस्थेतील प्र. क्रीडा शिक्षक प्रा. राजरेड्डी भुमरेड्डी गोदलवार (वय-५६ वर्षे) यांचे २३ डिसेंबर रोजी दुपारी उपचारादरम्यान, नांदेड येथील एका नामांकित रूग्णालयात निधन झाले. दिवंगत प्रा. राजरेड्डी गोदलवार यांच्या पार्थिव देहावर रविवार दि.२५ डिसेंबर रोजी दुपारी दोन वाजता त्यांच्या मुळगावी कुंडलवाडी (ता. बिलोली जि. नांदेड) येथे अंत्यसंस्कार करण्यात येणार आहेत. त्यांच्या पश्चात आई, पत्नी, एक मुलगा, एक मुलगी, दोन भाऊ, भावजय, पुतण्या व पुतणी असा मोठा परिवार आहे. विद्यार्थीप्रिय क्रीडा शिक्षक प्रा. राजरेड्डी गोदलवार यांच्या अकाली निधनाबद्दल नांदेड शहर व जिल्ह्यातील क्रीडा क्षेत्रासह 'एसजीजीएस' अभियांत्रिकी व तंत्रशास्त्र संस्थेतील विद्यार्थी-विद्यार्थिनी खेळाडू, प्राध्यापक शिक्षक व शिक्षकेत्तर कर्मचाऱ्यांमधून हळहळ व्यक्त करण्यात येत आहे.
.jpeg)
COMMENTS