स्वारातीम’ विद्यापीठामध्ये सद्भावना दिवसानिमित्त प्रतिज्ञा

  स्वामी रामानंद तीर्थ मराठवाडा विद्यापीठामध्ये सद्भावना दिवसानिमित्त गुरुवार, दि.१८ ऑगस्ट रोजी विद्यापीठाचे कुलगुरू डॉ. उद्धव भोसले यांनी र...

 

स्वामी रामानंद तीर्थ मराठवाडा विद्यापीठामध्ये सद्भावना दिवसानिमित्त गुरुवार, दि.१८ ऑगस्ट रोजी विद्यापीठाचे कुलगुरू डॉ. उद्धव भोसले यांनी राजीव गांधी यांच्या प्रतिमेस चंदन पुष्पहार अर्पण करून उपस्थित शिक्षक, अधिकारी व कर्मचाऱ्यांना विद्यापीठाच्या प्रशासकीय इमारतीच्या स्वागत कक्षामध्ये सद्भावनेची शपथ दिली.  

“मी, अशी प्रतिज्ञा करतो/करते की, जात, वंश, धर्म, प्रदेश किंवा भाषा विषयक भेद न करता सर्व भारतीय जनतेचे भावनिक ऐक्य आणि सामंजस्य यासाठी काम करीन. मी आणखी अशी प्रतिज्ञा करतो/करते की, आमच्यामधील वैयक्तिक किंवा सामुहिक स्वरूपाचे सर्व प्रकारचे मतभेद मी हिंसाचाराचा अवलंब न करता विचार विनिमय करून संविधानिक मार्गानी सोडविन” अशी प्रतिज्ञा देण्यात आली. 

याप्रसंगी उपस्थितांमध्ये विद्यापीठाचे कुलसचिव डॉ. सर्जेराव शिंदे, परीक्षा व मूल्यमापन मंडळाचे संचालक डॉ. दिगंबर नेटके, व्यवस्थापन परिषदेचे सदस्य डॉ. दिपक बच्चेवार, अधिष्ठाता डॉ. अजय टेंगसे, प्र.वित्त व लेखाधिकारी डॉ. गोविंद कतलाकुटे, क्रीडा विभागाचे संचालक डॉ. विठ्ठलसिंह परिहार, विद्यार्थी विकास विभागाचे संचालक डॉ. सूर्यप्रकाश जाधव यांच्यासह प्राध्यापक, अधिकारी, कर्मचारी उपस्थित होते.