धर्माबाद (अहमद लड्डा) शहराचे कोविड सेंटर नगरपालिकेच्या शेजारी एका प्रसिद्ध मंगल कार्यालयात तयार केले गेले आहे आणि प्रचंड प्रमाणात येथे जागा उपलब्ध आहे. येथे कोविड सेंटर तयार केल्यानंतर अगोदर चांगली स्वच्छता होती, परंतु अलीकडील अस्वच्छतेमुळे धर्माबाद चे शिवसेना प्रमुख श्री.गणेश गिरी यांनी नाराजी व्यक्त केली आहे. येथे स्वच्छता राखणे अधिक महत्त्वाचे बनल्याचे श्री गिरी यांनी सांगितले आहे. अलीकडेच धर्माबाद मध्ये कोरोना रूग्णांची संख्या आज पर्यंत 68 झाली आहे. पायोनियर कंपनीमध्येच एका अधीक्षकासह 20 कर्मचाऱ्यांना कोरोना ची लागण झाली आहे. आमच्या वार्ताहरांशी बोलताना श्री गणेश गिरी म्हणाले आहे की कोविड सेंटरमध्ये स्वच्छतेचा अभाव दिसून येत आहे व तसेच वरिष्ठ डॉक्टर देखील योग्य सेवा देताना दिसत नाहीत. स्वच्छतेचे पालन करण्यासाठी आणि योग्य सेवा देण्यासाठी वरिष्ठ अधिकाऱ्यांनी इकडे लक्ष देण्याची गरजेचे आहे. कोविड सेंटरच्या एका कर्मचाऱ्यांने नाव न सांगण्याच्या अटीवर सांगितले की, पूर्वी रुग्ण कमी असल्यामुळे बरीच साफ सफाई होत होती.परंतु रूग्णांची संख्या वाढतच राहिल्याने या जागेच्या आवारात जास्तीत जास्त कचरा सुरू झाला. यामुळे, दुर्गंध ही पसरली जात आहे आणि स्नानगृह आणि सौचालय पूर्णपणे गलिच्छ झाले आहेत. कोरोनाच्या भीतीमुळे येथे कोणीही साफ करण्यासाठी येत नाही. म्हणूनच सध्या जे रुग्ण या कोविड सेंटरमध्ये आहेत, त्यांना खूप समस्या जाणवत आहेत. यासाठीच धर्माबाद शिवसेना प्रमुख श्री.गणेश गिरी यांनी कोविड सेंटरमध्ये स्वच्छता ठेवण्याची विनंती केली असून रूग्णांना योग्य सेवा देण्याबाबत सांगितले. श्री गणेश गिरी हे सुरुवातीपासूनच प्रत्येक सामाजिक कार्यात अग्रेसर असतात. यावेळी, त्यांनी स्वच्छतेचे पालन करून रुग्णांना योग्य सेवा देण्याबद्दल सांगितले आहे.
.jpeg)
COMMENTS