गुरुशरणाशिवाय शास्त्रज्ञान अपूर्ण; आत्मचेतनेच्या विकासातूनच खरा आनंद-

नांदेड (प्रतिनिधी)- कितीही शास्त्रांचे अध्ययन केले, तरी गुरूंच्या शरणी गेल्याशिवाय जन्म-मृत्यूच्या चक्रातून मुक्ती मिळू शकत नाही. जगात आल्या...

नांदेड (प्रतिनिधी)- कितीही शास्त्रांचे अध्ययन केले, तरी गुरूंच्या शरणी गेल्याशिवाय जन्म-मृत्यूच्या चक्रातून मुक्ती मिळू शकत नाही. जगात आल्यानंतर जे काही प्राप्त झाले आहे, ते सर्व जगातच सोडून जावे लागते. आपल्यासोबत केवळ आत्मचेतना राहते. त्यामुळे आत्मचेतनेचा जितका विकास कराल, तितका अंतरात्म्याला आनंद मिळेल, असे आध्यात्मिक मार्गदर्शन माता कणकेश्वरी यांनी नांदेड येथील कार्यक्रमात केले. दरम्यान गुरुमहिमा सत्संगाची शनिवारी सांगता झाली.शास्त्रज्ञानाबरोबरच गुरूंचे मार्गदर्शन आणि आत्मचिंतन यांना जीवनात महत्त्वाचे स्थान आहे, असे सांगताना त्यांनी आध्यात्मिक प्रगतीचा खरा मार्ग आत्मचेतनेच्या विकासात असल्याचे स्पष्ट केले. भौतिक जगातील संपत्ती, प्रतिष्ठा आणि इतर गोष्टी कायमस्वरूपी सोबत राहत नाहीत. मात्र, आत्मचेतनेचा विकास व्यक्तीला आंतरिक आनंद आणि आध्यात्मिक समाधान देतो, असा संदेश त्यांनी दिला.जीवनात केवळ बाह्य गोष्टींच्या प्राप्तीमागे न धावता आत्मिक उन्नतीकडे लक्ष देणे आवश्यक आहे. गुरूंच्या शरणागतीतून आणि आत्मचिंतनातून जीवनाचा खरा अर्थ समजतो, हा विचार माता कणकेश्वरी यांनी आपल्या मार्गदर्शनातून मांडला.यावेळी विश्वनाथ महाराज काकांडीकर,बालाजी महाराज गुंडेवार,सुनील महाराज, रुपालीताई राऊत,केरबा महाराज सुंकेवार,भास्करराव पाटील खतगावकर,ओमप्रकाश पोकर्णा,डॉ.राजेंद्र मुंदडा,सतीश देशमुख यांच्यासह मोठ्या संख्येने साधक उपस्थित होते.