सेलू (प्रतिनिधी) – ३८ वी नॅशनल गेम्स, उत्तराखंड येथे पार पडलेल्या टेबल टेनिस क्रीडा स्पर्धेत महाराष्ट्र राज्य संघाने अभूतपूर्व कामगिरी करत जनरल चॅम्पियनशिप ट्रॉफी जिंकली. या उल्लेखनीय कामगिरीबद्दल राज्य संघ व्यवस्थापक गणेश माळवे यांचा सत्कार राज्यमंत्री तथा परभणी पालकमंत्री मा. मेघना दीदी साकोरे बोर्डीकर यांच्या हस्ते दि. २४ फेब्रुवारी रोजी जिल्हाधिकारी कार्यालय, परभणी येथे करण्यात आला.
३८ वी नॅशनल गेम्स, उत्तराखंड – महाराष्ट्राचा शानदार विजय
महाराष्ट्र राज्याने या स्पर्धेत एकूण १० पदकांची कमाई केली. त्यामध्ये २ सुवर्ण, ४ रौप्य आणि ४ कांस्यपदके आहेत. महाराष्ट्र संघाने उत्कृष्ट कौशल्याचे प्रदर्शन करत संपूर्ण देशाचे लक्ष वेधून घेतले.
महाराष्ट्राच्या विजेत्यांची यादी:
पुरुष एकेरी: सुवर्णपदक – जश मोदी,महिला एकेरी: रौप्यपदक – स्वस्तिका घोष
कांस्यपदक – पृथा वर्टीकर
महिला दुहेरी: सुवर्णपदक – दिया चितळे / स्वस्तिका घोष
पुरुष दुहेरी: कांस्यपदक – सिद्धेश पांडे / रेगन अल्बुकर्क मिश्र दुहेरी:रौप्यपदक – चिन्मय सोमय्या / रीथ ऋया टेनिशन,कांस्यपदके – जश मोदी / तनिषा कोटेचा, रेगन अल्बुकर्क / स्वस्तिका घोष
▶️ पुरुष संघ: रौप्यपदक – दीपित पाटील (मुंबई), चिन्मय सोमय्या, जश मोदी (ठाणे), सिद्धेश पांडे (पुणे), रेगन अल्बुकर्क (मुंबई)
▶️ महिला संघ: रौप्यपदक – स्वस्तिका घोष (मुंबई), दिया चितळे (पुणे), तनिषा कोटेचा (नाशिक), रीथ ऋया टेनिशन (मुंबई), सायली वाणी (नाशिक)
संघ प्रशिक्षक – सुनील बाब्रास, महेंद्र चिपळूणकर संघ व्यवस्थापक – श्रीराम कोनकर, गणेश माळवे
यांच्या उल्लेखनीय कार्यगिरीबद्दल आणि संघ व्यवस्थापनातील योगदानाबद्दल त्यांचा सत्कार पालकमंत्री मेघनादीदी साकोरे बोर्डीकर यांच्या हस्ते करण्यात आला. या वेळी जिल्हाधिकारी रघुनाथ गावंडे, मुख्य कार्यकारी अधिकारी नतिषा माथुर, अप्पर जिल्हाधिकारी डॉ. प्रताप काळे, मनपा आयुक्त धैर्यशील जाधव, माजी नगराध्यक्ष जिंतूर सचिन गोरे, सेलू भाजपा तालुका अध्यक्ष ॲड. दत्तराव कदम, जिंतूर भाजपा तालुका अध्यक्ष गोविंद थिटे, सतिश धानोरकर,संजय मुंडे प्रशिक्षक चेतन मुक्तावार, संजय भूमकर आणि बाळू बुधवंत आदी मान्यवर उपस्थित होते.
addComments
टिप्पणी पोस्ट करा