सोनारी येथे दोन दुचाकीचा समोरासमोर धडक; अपघातात दोघांचा मृत्यू एक जण गंभीर जखमी

हिमायतनगर। तालुक्यातील सोनारी गावाजवळ दोन दुचाकी  वाहणांची समोरासमोर जोरदार धडक झाल्याची घटना दिं २३ में रोजी सायंकाळी ९:०० वाजेच्या सुमारास घडली असून या अपघातात दोन्ही दुचाकी वरील तीन जण गंभीर जखमी झाले होते, त्यांना नांदेडला नेताना एकाचा तर एकाच उपचार सुरू असताना मृत्यू झाला आहे, तर एक जण गंभीर जखमी असल्याचे सांगितले जाते आहे.

हिमायतनगर ते भोकर राष्ट्रीय महामार्ग झाल्यापासून भरधाव वेगाने वाहने जाण्याच्या घटना घडत आहेत, अपघाताचे सत्र सुरू असताना दिनांक 23 में रोजी रात्रीला 9 वाजेच्या सुमारास हिमायतनगर भोकर राष्ट्रीय महामार्गावर असलेल्या मौजे सोनारी गावाजवळ एम एच २६ सी डी ९२८४ नंबर ची शाहीन दुचाकी भोकर मार्गाने मंगेश ढोले व बालाजी ढोले हिमायतनगर कडे जात होते व एम एच २६ सि बी ५७७९ नंबर ची स्प्लेंडर दुचाकी हे हिमायतनगर मार्गाने भोकर कडे दुचाकीवरून वैभव राजु गोरे हे जात होते असे घटनास्थळावरून वर्त समजले आहे.

 या दोन्ही दुचाकीची समोरासमोर जोरदार धडक झाल्याने  तीन जण गंभीर जखमी झाल्याचे समजताच सोनारी येथील गावकऱ्यांनी घटनास्थळी धाव घेऊन हिमायतनगर पोलीस स्टेशनला सुचना दिल्या. घटनास्थळी हिमायतनगर स्टेशनचे पोलीस निरीक्षक शरद जराड, सहायक पोलिस निरीक्षक पाटील,  बिट जमादार सिंगनवाड यांच्यासह चार ते पाच पोलीस कर्मचारी अधिकारी यांनी तात्काळ भेट देऊन पाहणी केली, तसेच गावकऱ्यांच्या मदतीने जखमी झालेल्या तिघांना रुग्णवाहिका द्वारे नांदेड येथील शासकीय रुग्णालयात हलविण्यात आले होते. दरम्यान उपचारासाठी जातांना राजू गोरे व बालाजी ढोले यांचा मृत्यू झाला आहे. या घटनेचा पुढील तपास सुरू असल्याचे पोलीस निरीक्षक शरद जराड यांनी सांगितले आहे.