महिलासबलीकरण- म्हणजेच महिलांचे मानसिक, शारीरिक आणि सामाजिक सक्षमीकरण.. डॉ. अलका नाईक – मानसोपचारतज्ज्ञ*

                                               *साथ साईस्पर्शची, जोड समाजकार्याची, ७ वर्ष अभिमानाची..**  साईस्पर्शचा ७ वा वर्धापनदिन एस.पी. ...

 

                                             *साथ साईस्पर्शची, जोड समाजकार्याची, ७ वर्ष अभिमानाची..** 

साईस्पर्शचा ७ वा वर्धापनदिन एस.पी. हॉल, कोकणी पाडा, दहिसर(पूर्व), मुंबई शनिवार  रोजी दि. २३/१०/२०२१ सायं. ६.०० वाजता मोठ्या उत्साहाने साजरा झाला. साईस्पर्श सेवाभावी संस्थेच्या सातव्या वर्धापन दिनाचे औचित्य साधून *साथ साईस्पर्शची* या कार्यक्रमाचे आयोजन करण्यात आले होते यात संस्थेच्या पोर्टलचे(https://saisparshsevabhavi.com) उद्घाटन करण्यात आले, ज्याद्वारे विभागातील नागरिक आपल्या समस्या नोंदवू शकतील व त्या संस्थेच्या माध्यमातून सोडविल्या जातील. तसेच *साईस्पर्श talk's* नावाने *युट्यूब चॅनलचे* उद्घाटन करण्यात आले ज्याद्वारे तरुणांना प्रेरणादायी अशा मुलाखती भविष्यात घेतल्या जातील.

 **उपस्थित मान्यवर* 

१) मा. श्री प्रवीण (भाऊ) दरेकर (विधान परिषद - विरोधीपक्ष नेता)

२) मा. श्री प्रकाश (दादा ) सुर्वे (स्थानिक आमदार - मागाठाणे विधानसभा)

३) मा. सौ सुजाता (ताई) पाटेकर (स्थानिक नगरसेविका -प्रभाग क्र. ४)

४) मा. श्री. सुरेश गोपाळे (ज्येष्ठ पत्रकार)

विशेष आमंत्रित

व्याख्यान: १) मा. डॉ. अलका नाईक

-मानसोपचारतज्ज्ञ, शिक्षणतज्ञ, प्राध्यापिका, कवयित्री, लेखिका, संपादिका, प्रशासिका, पत्रकार, समाजसेविका- महिला सबलीकरण.

 मुलाखत: २) मा. सौ. हेमलता वाजे - पोलीस उपनिरीक्षक

कार्यक्रमाचे स्वरूप: 

      कार्यक्रमाची सुरवात दीप प्रज्वलनाने व छत्रपती शिवाजी महाराज्यांच्या स्मृतीस पुष्पहार अर्पण करून करण्यात आली. 

       त्यानंतर संस्थेच्या प्रतिकाचे (झेंड्याचे) व ऑनलाईन website (प्रभागातील समस्यांना आवाज मिळवून देण्यासाठी समस्या निदान पोर्टल ) ह्याचे अनावरण उपस्थित सर्व मान्यवरांच्या हस्ते करण्यात आले, तसेच मा. डॉ. अलका नाईक मॅडम यांचा संस्थेतर्फे भव्य सत्कार करण्यात आला. त्यानंतर त्यांनी “ *महिला सबलीकरण* ”- म्हणजेच मानसिक, शारीरिक आणि सामाजिक सक्षमीकरण तसेच *“ *अवयवदान, केशदान- आजच्या काळाची गरज”** ह्यावर मार्गदर्शन केले. याप्रसंगी बोलताना डॉ. अलका नाईक यांनी अतिशय सहज सोप्या भाषेत मानसिक स्वास्थ्याचे महत्व विषद केले आणि आपल्या भावपूर्ण शब्दांत पुढच्या पिढीला घडविण्यासाठी *आईचे महत्व आणि जबाबदारी वर्णन करणारी स्वरचित कविता गाऊन सर्व श्रोत्यांची मने जिंकली* ...अनेकांना आपल्या भावना आणि अश्रू आवरणे कठीण झाले.

नंतर मा.सौ. हेमलता वाजे मॅडम यांचा सत्कार करून त्यांची प्रकट मुलाखत घेण्यात आली; ज्यात त्यांच्या आयुष्यातील संघर्षावर प्रकाश टाकण्यात आला व त्यांनी महाराष्ट्र लोकसेवा आयोगासंबंधी परीक्षांच्यासंदर्भात तरुण मुलांना मार्गदर्शन केले.

  तसेच कार्यक्रमात मा. श्री प्रवीण (भाऊ) दरेकर (विधान परिषद - विरोधीपक्ष नेता), यांनी *शुभेच्छा देताना संस्थेच्या कार्याची प्रशंसा केली . मा. श्री प्रकाश (दादा ) सुर्वे (स्थानिक आमदार - मागाठाणे विधानसभा),  मा. सौ सुजाता (ताई) पाटेकर (स्थानिक नगरसेविका - प्रभाग क्र. ४), मा.श्री. सुरेश गोपाळे (ज्येष्ठ पत्रकार) ह्यांनी संस्थेला वर्धापन दिनाच्या शुभेच्छा दिल्या व पुढील वाटचालीसंदर्भात मार्गदर्शन केले. 

      त्याचबरोबर कार्यक्रमात दहिसर विभागात कोरोना काळात कार्य करणाऱ्या अंगणवाडी सेविका, मदतनीस, आरोग्य सेविका, सफाई कर्मचारी ह्यांना प्रमाणपत्र व सन्मानचिन्ह देऊन सन्मानित करण्यात आले तसेच सांस्कृतिक खेळ- रोप मलखांबामध्ये राज्यस्तरावर विशेष कार्य केलेल्या खेळाडूंचाही सन्मान करण्यात आला. या सर्व कार्याबद्दल संस्थेचे सर्वत्र कौतुक होत आहे.