नांदेडात स्मार्ट वीज चोरी; आठ जणांवर पोलीस कारवाई

नांदेड, दि.१८ : देय तारखेच्या आत वीज बिल न भरणाऱ्या वीज ग्राहकांचा स्मार्ट मीटरच्या माध्यमातून वीज पुरवठा खंडित झाल्यानंतर महावितरणच्या परस्...

नांदेड, दि.१८ : देय तारखेच्या आत वीज बिल न भरणाऱ्या वीज ग्राहकांचा स्मार्ट मीटरच्या माध्यमातून वीज पुरवठा खंडित झाल्यानंतर महावितरणच्या परस्प्र थकबाकीदार ग्राहकांनी आपले वीजबिल न भरता सर्व्हिस वायरच्या माध्यमातून थेट वीज जोडणी घेऊन चोरी केल्याचे प्रकार नांदेड शहरात आढळून आले.  त्याप्रकरणी गुरुवारी नांदेड ग्रामीण पोलीस ठाण्यात आठ वीज चोरांविरुध्द् गुन्हे दाखल करण्यात आल्याची माहिती विभागीय कार्यालय, नांदेडव्दारे कळविण्यात आली आहे.नांदेड शहरातील नुसरत सुलताना मिरजा अन्व्र आली बेग रा.फतेहबुरुज, फेरोजखान इस्माईल खान रा.हिलालनगर, आसिफ अब्दुल हाजी दिवाणी जवळ, सुलताना बेगम मोहंमद खालेद रा. रज्जाक कॉलनी, परमार शिवनसिंघ चुडमनसिंघ रा. गाडीपूरा, सोफया बेगम अब्दुल मजीद रा. मोमीणपूरा, रामा रामजी धडके रा. शांतीनगर व बबीता नागेश रच्छेवार रा.विणकर कॉलनी यांनी त्यांचा थकबाकी पोटी वीजपूरवठा खंडीत केलेला असताना त्यांनी  बिल न भरताच भेट सर्व्हिस वायर टाकून अनाधिकृतपणे वीज वापर केल्याचे आढळून आले.  त्यांच्याविरुध्द महावितरणच्या फिर्यादीनुसार गुरुवार दि. १४ मे २०२६ रोजी नांदेड ग्रामीण पोलीस ठाण्यात भारतीय विद्युत कायदा कलम १३५ नुसार गुन्हे नोंद करण्यात आले आहेत