ढोलउमरी येथे नवव्या वर्षी दीपोत्सव उत्साहात साजरा

0 0 By Admin बुधवार, नोव्हेंबर ११, २०२६ Edit this post

नरेंद्र येरावार उमरी नांदेड
उमरी तालुक्यातील ढोलउमरी येथे दरवर्षीप्रमाणे यंदाही श्री मारोती मंदिरात नवव्या वर्षी दोन हजार दिवे लावून दीपोत्सव मोठ्या उत्साहात साजरा करण्यात आला. यानिमित्त आयोजित कीर्तनातून मुदखेड तालुक्यातील वाई येथील बाल कीर्तनकार सोनालीताई पवार पाटिल यांनी उपस्थित भाविकांना मार्गदर्शन केले.यावेळी बोलताना सोनालीताई पवार म्हणाल्या की, दुष्काळी परिस्थितीत शेतकरी बांधवांनी नैराश्य न बाळगता धैर्याने व हिमतीने जीवन जगावे. आपल्या मुला-मुलींना खंबीरपणे उभे राहण्याचे बळ व धैर्य द्यावे. युवक व युवतीने उच्च शिक्षण शिकूण आई व वडीलांचे नांव उज्वल करावे व जीवनातील अडचणींना सामोरे जात आनंदाने जीवन जगावे, असा मोलाचा संदेश त्यांनी दिला. तसेच युवकांनी व्यसनांपासून दूर राहावे, आरोग्या संपन्न रहावे.आई वडीलांची सेवा करावी,युवकांनी मोबाईल आणि सोशल मीडियावर वेळ वाया न घालवता वाचनाकडे अधिक लक्ष द्यावे. सांप्रदायिक व कौटुंबिक संस्कारांचे महत्त्व जाणून घ्यावे आणि समाजात एकोपा व सकारात्मक विचार जोपासावेत, असे आवाहनही त्यांनी आपल्या कीर्तनातून केले.ढोलउमरी दिपोस्तव हा जीवनात आनंदाचे चैतन्य आननारा क्षण असून हा उपक्रम प्रेरणादायी आहे असेही त्यांनी सांगितले.या किर्तन व दीपोत्सव कार्यक्रमास गावातील महिला, पुरुष, युवक व युवती मोठ्या संख्येने उपस्थित होते. ह.भ.प. सोनालीताई पवार पाटिल यांचे सुश्राव्य कीर्तन भक्तिमय वातावरणात दीपोत्सवाचा आनंदोत्सव उत्साहात संपन्न झाला.समस्त गावकरी मंडळी ढोलउमरी यांनी या कार्यक्रमाचे नियोजन केले होते.