२५ वर्षांनंतर लोकनृत्यात सुवर्णयश! संघ व्यवस्थापक डॉ. संदीप काळे यांचा नेताजी सुभाषचंद्र बोस महाविद्यालयात गौरव

0 0 संपादक धनराज भारती मंगळवार, मार्च २४, २०२६ Edit this post

नांदेड: चेन्नई येथील सत्यभामा विद्यापीठात संपन्न झालेल्या 'अखिल भारतीय आंतरविद्यापीठीय राष्ट्रीय युवक महोत्सवात' स्वामी रामानंद तीर्थ मराठवाडा विद्यापीठाच्या संघाने दैदिप्यमान यश संपादन केले आहे. या संघाचे व्यवस्थापक म्हणून नेताजी सुभाषचंद्र बोस महाविद्यालयाचे प्रा. डॉ. संदीप काळे यांनी बजावलेली भूमिका या यशाचा मुख्य आधारस्तंभ ठरली आहे. २५ वर्षांनंतर सुवर्ण कामगिरी: या महोत्सवात विद्यापीठाच्या संघाने विविध कलाप्रकारात आपली मोहोर उमटवली:

लोकनृत्य: तब्बल २५ वर्षांनंतर या प्रकारात भारतामध्ये प्रथम क्रमांक पटकावून ऐतिहासिक कामगिरी केली. (संदीप कोडापे, रितेश मडावी, पीयूष तोडसाम).

शास्त्रीय सुरवाद्य: चिन्मय मठपती याने भारतातून द्वितीय क्रमांक मिळवला.
लोकसंगीत: गणेश कदम याने द्वितीय पारितोषिक प्राप्त केले.
इतर यश: स्वाती कंधारे हिने क्रिएटिव्ह डान्स, मूक अभिनय आणि विडंबन अशा तीन प्रकारांत यश मिळवले.

डॉ. संदीप काळे यांचा सत्कार: गेल्या १० वर्षांपासून सातत्याने सांस्कृतिक क्षेत्रात विद्यापीठाची मान उंचावणाऱ्या डॉ. संदीप काळे यांचा अभिनव भारत शिक्षण संस्थेचे अध्यक्ष मा. बालासाहेब पांडे यांच्या हस्ते विशेष गौरव करण्यात आला. डॉ. काळे यांचे मार्गदर्शन आणि विद्यार्थ्यांची मेहनत यामुळेच हे यश शक्य झाल्याचे गौरवोद्गार यावेळी काढण्यात आले.
याप्रसंगी संस्थेचे पदाधिकारी, प्रभारी प्राचार्य डॉ. सुग्रीव फड, उपप्राचार्य डॉ. कल्पना कदम यांच्यासह महाविद्यालयातील प्राध्यापक व कर्मचारी मोठ्या संख्येने उपस्थित होते.