नांदेड (प्रतिनिधी)- गेल्या 26 वर्षांपासून सातत्याने सुरु असलेल्या स्वर्गीय अ‍ॅड. बन्सीलाल काबरा व्याख्यानमालेचे रविवार दि. 13 ऑक्टोबर रोजी आयोजन करण्यात आले आहे.
येथील हॉटेल चंद्रलोक येथे आयोजित व्याख्यानमालेचे सकाळी 9.30 वाजता उद्घाटन होणार आहे. प्रजावाणीचे मुख्य सम्पादक शंतनु डाईफोडे अध्यक्ष स्थानी तर एम जी एम महाविद्यालयाचे सह प्राध्यापक सतपालसिंघ गिल यांचे हस्ते व्याख्यानमालेचे उद्घाटन होणार आहे. यंदाचा 2024 - 2025 हा स्व. बंसीलाल काबरा यांचा जन्मशताब्दी वर्ष म्हणून पाळण्यात येणार असल्यामुळे व्याख्यानमाला कार्यक्रमास आणखी महत्व प्राप्त झाले आहे. सेवा, सादगी व सदाचाराचे प्रतीक बंसीलालजी काबरा यांच्या विषयी माहिती प्रसार करण्याची एक संधी या वर्षात लाभत आहे.
वरील प्रतिष्ठित अशा व्याख्यानमालेत प्रख्यात सीए. आदित्य प्रदीप नासिक , अ‍ॅड सीए राम हेडा नागपूर , सीए स्वप्निल काबरा नांदेड यांची अनुक्रमे ‘जीएसटी मध्ये आर सी एम, एमनेस्टी स्कीम,आयकर कायद्यात अर्थ संकल्प मधिल महत्पूर्ण बदल, शेयर मार्केट व गुंतवणूक या विषयावर व्याख्याने होणार आहेत.नांदेड़ येथील जेष्ठ चार्टर्ड अकाऊंटंट सीए रविन्द्र भारतीया परभणी येथील सीए एस आर गुजराती यांचा गौरव व सन्मान तर डिप्लोमा इन टैक्सेशन लॉ मधील प्रतिभावंत विद्यार्थ्यांचा सत्कारही करण्यात येणार आहे.
addComments
टिप्पणी पोस्ट करा