धर्माबाद (अहमद लड्डा) भोकर तालुक्यातील दिवशी या गावात पाच वर्षाच्या मुलीवर अत्याचार करुन तिचा खून करणाऱ्या नराधमास फाशी दया अशी मागणी धर्माबादच्या टिपू सुल्तान विद्यार्थी ब्रिगेडकडून करण्यात आली आहे.येथील तहसीलदारांना दिलेल्या निवेदनात असे म्हटले आहे 20 जानेवारी 2021 रोजी ही घटना घडली. या घटनेने मानवतेवर कलंक लावला आहे. अशा अमानुष आणि क्रूर घटनेच्या नराधमास त्वरित फाशी देण्यात यावी. समाजात अशा त्वरित शिक्षेच्या संदेशामुळे भविष्यात अशा प्रकारच्या अप्रिय घटना घडणार नाहीत आणि त्यासाठी कठोर कायदे देखील करावे लागेल. धर्माबाद टिपू सुल्तान विद्यार्थी ब्रिगेडने निवेदनातून भावनांचा आदर करुन ही मागणी पूर्ण करण्याचे सांगितले. या निवेदनावर टिपू सुल्तान विद्यार्थी ब्रिगेडचे धर्माबाद तालुका अध्यक्ष मिर्झा खुर्रम बेग, टिपू सुलतान ब्रिगेडचे जिल्हाध्यक्ष नवीद अहमद, अन्सार मौलाना, मिर्झा शोएब हसन, शेख तौफिक आणि शेख इस्माईल शेख जिलानी यांची स्वाक्षऱ्या आहेत.
.jpeg)
COMMENTS