काँग्रेस नेते दत्ता कांबळेंचा पुढाकार*_
कोरोनाच्या पार्श्वभूमीवर सर्वच पातळ्यांवर लढा लढला जात असताना गरजवंतांना मदतीचा हात पुढे करणारे अनेक दानशूर दुःखीतांची आसवे पुसण्याचे काम करत आहेत. चाटगाव येथील प्रभाकर घनघाव हे दिव्यांग असून त्यांच्या कुटुंबियांना मानवी हक्क अभियानचे संस्थापक तथा थोर सामाजिक नेते कर्मवीर अॅड.एकनाथराव आवाड यांच्या स्मृतिदिनानिमित्त चाटगाव येथे घनघाव यांच्या निवासस्थानी भेट देवून जीवनावश्यक वस्तू दिल्या. यावेळी दत्ता कांबळे यांच्या समवेत पत्रकार बाबा देशमाने, भगीरथ तोडकरी, अॅड.उमेश गडसिंग, सामाजिक कार्यकर्ते दीपक गडसिंग, सिध्दार्थ देशमाने आदींची उपस्थिती होती.
केवळ पत्नीवरच कुटुंबाची जबाबदारी*_
चाटगाव येथील प्रभाकर घनघाव यांना कँन्सर झाल्याने डाॅक्टरांच्या सल्ल्यानुसार त्यांचा डावा पाय कापण्यात आला. त्यांचा धाकटा मुलगा उत्तम हा मनोरूग्ण असल्याने सर्व कुटुंबाची जबाबदारी प्रभाकर यांच्या पत्नी लताबाई घनघाव यांच्यावर पडलेली आहे. सध्या कोरोनाच्या पार्श्वभूमीवर लताबाईंचे रोजंदारीचे काम बंद असल्याने समाजातील दानशूर व्यक्तींनी पुढे येवून घनघाव कुटुंबियांना मदत करण्याची गरज आहे.
COMMENTS