सिंधुदुर्गातील सावंतवाडी येथे शिल्पग्राम रिसॉर्ट मध्ये नॅशनल युनियन ऑफ सीफेरर्स ऑफ इंडिया (NUSI) च्या वतीने ३० ऑगस्ट २०२४ रोजी नाविक आणि त्यांच्या कुटुंबियांचा कौटुंबिक मेळावा तसेच सिंधुदुर्गातील नाविकांना रोजगार उपलब्ध व्हावा यासाठी सिनर्जी शिप मॅनॅजमेण्ट कंपनीच्या माध्यमातून रोजगार मेळावा आयोजित केला होता. या कार्यक्रमाला भरपूर गर्दी जमली होती. कारण शेकडो नाविक आणि त्यांचे कुटुंब सहभागी झाले होते.
नाविक कामगारांच्या या कौटुंबिक सोहळ्यासाठी प्रमुख पाहुणे म्हणून नुसीचे अध्यक्ष कायदेविशारद प्रेमानंद साळगांवकर, नुसीचे सरचिटणीस मिलिंद कांदळगांवकर, सिनर्जी कंपनीचे कॅप्टन सुदर्शन व कॅप्टन शिरीश लाल उपस्थित होते. नुसी युथ कमिटी तसेच नुसी वूमन कमिटी सादर केलेल्या नुसीच्या कार्यकारी योजनांचे उपस्थित सर्व मान्यवरांनी नुसीच्या विविध उपक्रमांचे कौतुक केले, आणि संघटनेच्या कामगार कल्याणकारी विविध उपक्रमांना मनापासून पाठिंबा दिला.
आपल्या मार्गदर्शनपर भाषणात नुसिचे सरचिटणीस मिलिंद कांदळगावकर यांनी सांगितले की, भविष्यात नाविक कामगारांच्या हितासाठी अनेक कामगार कल्याणकारी योजना राबविल्या जातील. आपल्या भाषणात ते पुढे म्हणाले की, "आम्ही आमच्या खलाशांचे आणि त्यांच्या कुटुंबांचे जीवनमान सुधारण्यासाठी वचनबद्ध आहोत."
या कार्यक्रमाला सिंधुदुर्गातील नाविक आणि त्यांच्या कुटुंबियांचा चांगला सहभाग मिळाला. सावंतवाडीत न्यूसीचा हा एक ऐतिहासिक कौटुंबिक मेळावा यशस्वीपणे संपन्न झाला.
आपला
मारुती विश्वासराव
addComments
टिप्पणी पोस्ट करा