जितेंद्र गोस्वामी यांचे निधन

ग्लोबल मराठवाडा प्रतिनिधी
मुंबई: महाराष्ट्रातील भटक्या-विमुक्त
चळवळीतील ज्येष्ठ नेते, दशनाम
गोसावी समाजाचे मार्गदर्शक व माजी
अध्यक्ष जितेंद्र जीवलपुरी गोस्वामी
यांचे निधन झाले. ते ७३ वर्षांचे होते.
त्यांच्या मागे पत्नी व दोन विवाहित
मुली, जावई, नातवंडे असा परिवार
आहे.
मुंबई विद्यापीठाचे ते राज्यपाल
नियुक्त माजी सिनेट सदस्य होते.
गोस्वामी हे अतिशय संघर्षशील होते.
चुनाभट्टी येथे गरीब मुलांसाठी त्यांनी
लक्ष्मीबाई खानोलकर हायस्कूलची
स्थापना केली. तसेच इगतपुरी येथेही ते
आश्रमशाळा चालवीत होते. भटक्या-
विमुक्तांच्या हक्कांसाठी त्यांनी
वेळोवेळी लढा दिला.वसंतराव नाईक
विमुक्तजाती भटक्याजमाती विकास
महामंडळाचे ते संचालक होते.
राष्ट्रवादी काँग्रेसचेही ते पदाधिकारी
होते. त्यांचा अनेक सामाजिक,
शैक्षणिक, सांस्कृतिक, क्रीडा क्षेत्राशी
निकटचा संबंध होता. चुनाभट्टी येथील
स्मशानभूमीत त्यांच्या पार्थिवावर
अंत्यसंस्कार करण्यात आले.