रान भाजी महोत्सव केज मध्ये संपन्न

 

केज/प्रतिनिधी

 

       कृषी विभाग आणि आत्मा केज यांच्यावतीने. 

शेतामध्ये नैसर्गिक रित्या उगवल्या जाणाऱ्या विविध प्रकारच्या रान भाज्या त्यांचे आरोग्य विषयक माहिती, शहरांमधील सर्व नागरिकांना माहिती मिळावी व खेड्यातील शेतकऱ्यांना आणि शेतकरी गटांना त्याच्या विक्रीतून लाभ मिळावा या उद्देशाने रान भाजी महोत्सवाचे आयोजन करण्यात आले होते. यामध्ये प्रामुख्याने तालुक्यातील शेतकरी गटांनी विविध प्रकारच्या २५ रानभाज्या त्यामध्ये प्रामुख्याने अंबाडी, हादगा, शेवगा, अळू, पाथरी, कपळफोडी, कुर्डू, तांदुळजा व इतर रानभाज्या आणि त्यांचे औषधी गुणधर्म यांची माहिती या प्रदर्शना मध्ये ठेवण्यात आली होती. या कार्यक्रमाचे उद्घाटन श्री. एस. एस. देशपांडे नायब तहसिलदार केज यांच्या हस्ते करण्यात आले. या कार्यक्रमास श्री. मोहन गुंड शेतकरी कामगार पक्ष नेते, श्री. बी. बी. शेळके तालुका कृषी अधिकारी केज, श्री. एन. ए. जोशी शास्त्रज्ञ केव्हिके दिघोळ अंबा, श्री. कुलदीप करपे स्वाभिमानी शेतकरी संघटनेचे नेते, श्री. जगजीवन पी. डी. , श्री. व्ही. बी. अंबोरे, श्रीमती व्ही. आर. घुले, श्रीमती व्ही. व्ही. कदम हे मंडळ कृषी अधिकारी, सर्व शेतकरी गटातील सदस्य, सर्व कर्मचारी आणि नागरिक उपस्थित होते.

या कार्यक्रमाचे सूत्रसंचालन योगेश पाटील बी टी एम आत्मा आणि आभार प्रदर्शन बी. एस. सूर्यवंशी यांनी केले.